News Continuous Bureau | Mumbai
ASSI Trailer Release: દિગ્દર્શક અનુભવ સિંહા તેમની ફિલ્મો દ્વારા હંમેશા એવા મુદ્દાઓને સ્પર્શે છે જેને સમાજ ઘણીવાર નજરઅંદાજ કરે છે. તેમની આગામી ફિલ્મ ‘ASSI’ નું ટ્રેલર રિલીઝ થઈ ગયું છે, જે એક ઇન્વેસ્ટિગેટિવ કોર્ટરૂમ ડ્રામા છે. આ ફિલ્મમાં તાપસી પન્નુ મુખ્ય ભૂમિકામાં છે, જે એક મજબૂત વકીલનો રોલ કરી રહી છે. આ ફિલ્મમાં તેની સાથે નસીરુદ્દીન શાહ, રેવતી, મનોજ પાહવા અને કુમુદ મિશ્રા જેવા દિગ્ગજ કલાકારોની ફોજ છે.
આ સમાચાર પણ વાંચો : Ramayana Cast Reveal: રામ નવમીએ રણબીર કપૂરના ‘રામ’ અવતાર પરથી ઉઠશે પડદો! મુંબઈમાં સ્ટારકાસ્ટ સાથે મેકર્સ કરશે ઐતિહાસિક જાહેરાત
અસ્સી નું ટ્રેલર
ટ્રેલરની શરૂઆત જ ખૂબ ગંભીર સંવાદથી થાય છે. તાપસી પન્નુ કહે છે, “ગુનાના દિવસે દેશભરમાં 80 રેપ કમ્પ્લેન થઈ હતી, જેમાંથી 76 નો તો ટ્રાયલ પણ શરૂ થયો નથી.” આ ડાયલોગ જ ફિલ્મની ગંભીરતા દર્શાવે છે. ટ્રેલરમાં એક મહિલાના અપહરણ અને ગેંગરેપ બાદ તેને રેલવે ટ્રેક પર ફેંકી દેવાની હૃદયદ્રાવક ઘટના બતાવવામાં આવી છે, ત્યારબાદ તેને ન્યાય અપાવવા માટે વકીલ અને પોલીસની લાંબી લડત શરૂ થાય છે.ફિલ્મ ‘અસ્સી’ માત્ર તાપસી પન્નુની જ નહીં, પરંતુ તેમાં રહેલા દરેક કલાકારની શ્રેષ્ઠતા દર્શાવે છે. કાની કુસરુતિ, સુપ્રિયા પાઠક, સીમા પાહવા અને મોહમ્મદ ઝીશાન અય્યુબ જેવા કલાકારો ફિલ્મમાં મહત્વના વળાંક લાવશે. ટ્રેલરમાં કોર્ટરૂમની દલીલો અને સામાજિક માનસિકતા પરના પ્રહારો અસરકારક રીતે રજૂ કરવામાં આવ્યા છે, જે દર્શકોને વિચારતા કરી દેશે.
View this post on Instagram
‘મુલ્ક’ અને ‘થપ્પડ’ જેવી સફળ ફિલ્મો બાદ અનુભવ સિંહા અને તાપસી પન્નુની જોડી ફરી એકવાર સાથે આવી છે. દિગ્દર્શક અનુભવ સિંહાએ જણાવ્યું હતું કે, “આ વાર્તા દરરોજ આવતા સમાચાર અને એવી સત્યતાઓમાંથી લેવામાં આવી છે જેને આપણે અવગણવાનું પસંદ કરીએ છીએ.” તાપસી પન્નુએ પણ ઉમેર્યું કે, “આવી ઘટનાઓને સામાન્ય માનવી એ જ આપણી સૌથી મોટી ભૂલ છે. એક કલાકાર તરીકે આ ફિલ્મ મારા માટે ખૂબ જ ઇમોશનલ હતી.” ટી-સીરીઝના બેનર હેઠળ બનેલી ફિલ્મ ‘અસ્સી’ ૨૦ ફેબ્રુઆરી ૨૦૨૬ ના રોજ વિશ્વભરના સિનેમાઘરોમાં રિલીઝ થવાની છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
