News Continuous Bureau | Mumbai
Bhooth Bangla on OTT| અક્ષય કુમારની મોસ્ટ અવેટેડ હોરરકોમેડી ફિલ્મ ‘ભૂત બંગલા’ સિનેમાઘરોમાં રિલીઝ થઈ ગઈ છે અને ચાહકોમાં તેને લઈને ભારે ઉત્સાહ જોવા મળી રહ્યો છે. પ્રિયદર્શનના નિર્દેશનમાં બનેલી આ ફિલ્મ બોક્સ ઓફિસ પર ધૂમ મચાવ્યા બાદ હવે OTT પ્લેટફોર્મ પર ક્યારે આવશે તેને લઈને પણ મહત્વની માહિતી સામે આવી છે. આ ફિલ્મ ડિજિટલ પ્લેટફોર્મ નેટફ્લિક્સ (Netflix) પર સ્ટ્રીમ કરવામાં આવશે, જે ફિલ્મનું ઓફિશિયલ ડિજિટલ પાર્ટનર છે.
ક્યારે રિલીઝ થશે ‘ભૂત બંગલા’ OTT પર?
જોકે હજુ સુધી મેકર્સે OTT રિલીઝ ડેટની સત્તાવાર જાહેરાત કરી નથી, પરંતુ સામાન્ય ટ્રેન્ડ મુજબ કોઈપણ ફિલ્મ સિનેમાઘરોમાં રિલીઝ થયાના દોઢથી બે મહિના બાદ ડિજિટલ પ્લેટફોર્મ પર આવે છે. આ અંદાજ મુજબ, ‘ભૂત બંગલા’ જૂન અથવા જુલાઈ 2026 સુધીમાં નેટફ્લિક્સ પર રિલીઝ થઈ શકે છે. આ ફિલ્મ અક્ષય કુમારના ફેન્સ માટે ઘરે બેઠા મનોરંજનનો શાનદાર વિકલ્પ સાબિત થશે.
શું છે ‘ભૂત બંગલા’ની રસપ્રદ વાર્તા?
ફિલ્મની વાર્તા અર્જુન (અક્ષય કુમાર) અને તેની બહેન મિથિલાની આસપાસ ફરે છે, જેઓ લંડનમાં રહે છે. મિથિલાને વારસામાં તેના દાદાની એક મોટી પ્રોપર્ટી અને મહેલ મળે છે. અર્જુન તેની બહેનના લગ્ન માટે આ મહેલને સજાવવા ભારત આવે છે, જે મંગલપુર ગામમાં સ્થિત છે. જોકે, વાર્તામાં ટ્વિસ્ટ ત્યારે આવે છે જ્યારે ખબર પડે છે કે આ ગામમાં ‘વધૂસુર’નો શ્રાપ છે, જે દુલ્હનોને ચોરી કરી જાય છે. આ રહસ્ય અને કોમેડીની આસપાસ આખી વાર્તા વણાયેલી છે.
