News Continuous Bureau | Mumbai
The Kerala Story 2 Release Date: ‘ધ કેરલ સ્ટોરી ૨’ ને લઈને ચાલી રહેલી અનિશ્ચિતતાનો અંત આવ્યો છે. શુક્રવારે કેરલ હાઈકોર્ટની ડિવિઝન બેંચે એક મહત્વપૂર્ણ ચુકાદો આપતા ફિલ્મની રિલીઝ પર લગાવવામાં આવેલા ૧૫ દિવસના સ્ટેને હટાવી દીધો છે. આ ચુકાદા સાથે જ હવે ફિલ્મ કોઈપણ અવરોધ વગર સિનેમાઘરોમાં રિલીઝ થઈ શકશે.જસ્ટિસ ની ડિવિઝન બેંચે તમામ પક્ષોની દલીલો સાંભળ્યા બાદ સ્ટે હટાવવાનો નિર્ણય લીધો છે. અગાઉ સિંગલ જજની બેંચે સાંપ્રદાયિક સૌહાર્દ બગડવાની આશંકા અને ફિલ્મ કેરલની ખોટી છબી રજૂ કરતી હોવાના દાવા સાથે રિલીઝ પર રોક લગાવી હતી.
આ સમાચાર પણ વાંચો : Do Aur Do Paanch Reboot: અભિષેક બચ્ચન અને બોબી દેઓલ ફરી મચાવશે ધૂમ! ‘દો ઔર દો પાંચ’ની રીમેકને લઈને પ્રોડ્યુસરે આપી સૌથી મોટી હિન્ટ
સિંગલ જજના નિર્ણયને ડિવિઝન બેંચે પલટાવ્યો
ગુરુવાર, ૨૬ ફેબ્રુઆરીએ જસ્ટિસ થોમસે ફિલ્મની રિલીઝ પર ૧૫ દિવસ માટે રોક લગાવી દીધી હતી અને સેન્સર બોર્ડ (CBFC) ને ફિલ્મ વિરુદ્ધની ફરિયાદોની તપાસ કરવા જણાવ્યું હતું. જોકે, તે જ દિવસે સાંજે ૭:૩૦ વાગ્યે મેકર્સ દ્વારા કરવામાં આવેલી અપીલ પર ડિવિઝન બેંચે સ્પેશિયલ સિટિંગ બોલાવી હતી અને લાંબી સુનાવણી બાદ સ્ટે હટાવી દીધો છે.
નોંધપાત્ર બાબત એ છે કે કોર્ટનો આ આદેશ તે જ દિવસે આવ્યો છે જે દિવસે ફિલ્મ રિલીઝ થવાની હતી. શુક્રવાર સવાર સુધી રિલીઝ પર સ્ટે હોવાથી ઘણા સિનેમાઘરોએ એડવાન્સ બુકિંગના પૈસા રિફંડ કરવાના શરૂ કરી દીધા હતા. જોકે, બપોરે ૪ વાગ્યે કોર્ટના ગ્રીન સિગ્નલ બાદ હવે સિનેમાઘરોમાં ફરીથી શો શરૂ કરવાની તૈયારીઓ હાથ ધરવામાં આવી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
