News Continuous Bureau | Mumbai
Bobby Deol Property Mumbai: બોલિવૂડ અભિનેતા બોબી દેઓલ અત્યારે પોતાની ફિલ્મોને કારણે તો ચર્ચામાં છે જ, પરંતુ હાલમાં તેણે કરેલા એક મોટા પ્રોપર્ટી સોદાએ સૌનું ધ્યાન ખેંચ્યું છે. બોબી દેઓલ અને તેની પત્ની તાન્યા દેઓલની ફર્મ ‘ગ્રીન સ્ટોન ઇન્વેસ્ટમેન્ટ પ્રાઇવેટ લિમિટેડ’ એ મુંબઈમાં પાંચ કોમર્શિયલ ઓફિસ યુનિટ્સ ખરીદ્યા છે. આ પ્રોપર્ટી અંદાજે 3,400 સ્ક્વેર ફૂટ એરિયામાં ફેલાયેલી છે અને તેની કિંમત આશરે 15.05 કરોડ હોવાનું જાણવા મળ્યું છે.
આ સમાચાર પણ વાંચો : Rashmika Vijay Reception: રશ્મિકા અને વિજયના એથનિક લુક પર ફેન્સ થયા ફિદા! લાલ સાડી અને ધોતી-કુર્તામાં આ જોડીએ મચાવી ધૂમ; જુઓ લેટેસ્ટ તસવીરો
ફેબ્રુઆરીમાં થયું રજિસ્ટ્રેશન
દસ્તાવેજો અનુસાર, બોબી અને તાન્યાએ આ પ્રોપર્ટી અંધેરી વેસ્ટમાં આવેલા લિંક રોડ પર સ્થિત ‘યુરા બિઝનેસ પાર્ક’માં ખરીદી છે. આ ટ્રાન્ઝેક્શન ૨૭ ફેબ્રુઆરી ૨૦૨૬ના રોજ રજિસ્ટર્ડ કરવામાં આવ્યું હતું. આ સોદા માટે દેઓલ પરિવારે90 લાખથી વધુની સ્ટેમ્પ ડ્યુટી અને 1.50 લાખ રજિસ્ટ્રેશન ફી ચૂકવી છે. આ ઓફિસ સ્પેસની સાથે જ તેમને પાંચ કાર પાર્કિંગ એરિયા પણ મળ્યા છે.
રસપ્રદ વાત એ છે કે જે બિલ્ડિંગમાં બોબી દેઓલે ઓફિસ ખરીદી છે, ત્યાં જ રિતિક રોશન ની પણ ઓફિસ સ્પેસ છે. યુરા બિઝનેસ પાર્કના બીજા માળે બોબી અને તાન્યાની ઓફિસ છે, જ્યારે આ જ બિલ્ડિંગના ત્રીજા અને ચોથા માળે રોશન પરિવારના ૧૦ ઓફિસ યુનિટ્સ આવેલા છે. હાલમાં આ બિલ્ડિંગ નિર્માણ હેઠળ છે અને ડિસેમ્બર ૨૦27 સુધીમાં તે સંપૂર્ણ રીતે તૈયાર થઈ જશે તેવી અપેક્ષા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
