News Continuous Bureau | Mumbai
Border 2 OTT Release Date Revealed: વર્ષ 1997ની કલ્ટ ક્લાસિક ફિલ્મ ‘બોર્ડર’ની સિક્વલ ‘બોર્ડર 2’ એ સિનેમાઘરોમાં સુનામી લાવી દીધી છે. અનુરાગ સિંહના નિર્દેશનમાં બનેલી આ ફિલ્મને પ્રેક્ષકો અને વિવેચકો તરફથી જોરદાર પ્રતિસાદ મળ્યો છે. જે ચાહકો આ વોર ડ્રામાને ઘરે બેઠા જોવા માટે આતુર છે, તેમના માટે સારા સમાચાર છે કે ફિલ્મના ડિજિટલ સ્ટ્રીમિંગ રાઈટ્સ નેટફ્લિક્સ પાસે છે.
આ સમાચાર પણ વાંચો : Lust Stories 3 Announcement: OTT પર ફરી જામશે રંગ: ‘લસ્ટ સ્ટોરીઝ 3’ ની જાહેરાત; ચાર દિગ્ગજ દિગ્દર્શકો લાવશે પ્રેમ અને વાસનાની નવી વાર્તાઓ
બોર્ડર 2 ની ઓટિટિ રિલીઝ
તાજેતરના અહેવાલો અનુસાર, ‘બોર્ડર 2′ સિનેમાઘરોમાં રિલીઝ થયાના લગભગ બે મહિના પછી, એટલે કે 20 માર્ચ 2026 ના રોજ નેટફ્લિક્સ પર પ્રીમિયર થઈ શકે છે. સની દેઓલની સાથે વરુણ ધવન અને દિલજીત દોસાંજની ત્રિપુટીએ આ ફિલ્મ દ્વારા 2026ની પહેલી મોટી હિટ ફિલ્મ બોલીવુડને આપી છે.’બોર્ડર 2’ એ રિલીઝના પહેલા દિવસે 30 કરોડ સાથે ખાતું ખોલાવ્યું હતું. પ્રથમ સપ્તાહમાં 224.25 કરોડની કમાણી કર્યા બાદ, બીજા સપ્તાહના અંતે ફિલ્મનું કુલ કલેક્શન 286 કરોડ સુધી પહોંચી ગયું છે. ટ્રેડ એનાલિસ્ટ્સનું માનવું છે કે OTT પર રિલીઝ થતા પહેલા આ ફિલ્મ 400 કરોડનો ગ્લોબલ આંકડો પાર કરી લેશે.
View this post on Instagram
ફિલ્મ ‘બોર્ડર 2’ 1971 ના ભારત-પાકિસ્તાન યુદ્ધની પૃષ્ઠભૂમિ પર આધારિત છે. આ વખતે વાર્તા ‘બસંતરની લડાઈ’ (Battle of Basantar) અને ‘ઓપરેશન ચંગેઝ ખાન’ જેવા મહત્વના પળો પર કેન્દ્રિત છે. સની દેઓલ ફરી એકવાર લેફ્ટનન્ટ કર્નલ ફતેહ સિંહ કલેરના દમદાર પાત્રમાં જોવા મળ્યા છે. ફિલ્મ ભારતીય સૈનિકોની હિંમત, વ્યૂહરચના અને બલિદાનની ગાથાને ભવ્ય રીતે રજૂ કરે છે.આ મલ્ટી-સ્ટારર ફિલ્મમાં સની દેઓલ, વરુણ ધવન અને દિલજીત દોસાંજ સિવાય અહાન શેટ્ટી, મોના સિંહ, મેધા રાણા અને સોનમ બાજવા પણ મહત્વની ભૂમિકામાં છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
