News Continuous Bureau | Mumbai
Border 2 Song Out: સની દેઓલ, વરુણ ધવન, દિલજીત દોસાંજ અને અહાન શેટ્ટી સ્ટારર ફિલ્મ ‘બોર્ડર 2’નું ગીત ‘ઘર કબ આઓગે’ અનુ મલિકની યુટ્યુબ ચેનલ પર રિલીઝ કરવામાં આવ્યું છે. હાલમાં માત્ર ગીતનું ઓડિયો વર્ઝન જ સામે આવ્યું છે. આ ગીતમાં સોનુ નિગમ, અરિજિત સિંહ, દિલજીત દોસાંજ અને વિશાલ મિશ્રા જેવા દિગ્ગજ ગાયકોએ અવાજ આપ્યો છે. જોકે, 1997ની ‘બોર્ડર’ ફિલ્મના આઈકોનિક ગીત ‘સંદેશે આતે હૈ’ સાથે તેની સરખામણી થતા ચાહકો થોડા નિરાશ દેખાઈ રહ્યા છે.
આ સમાચાર પણ વાંચો : Hrithik Roshan Don 3: શું રણવીર સિંહ બાદ હૃતિક રોશન બનશે નવો ‘ડોન’? જાણો સોશિયલ મીડિયા પર વાયરલ થઈ રહેલા આ સમાચારનું અસલી સત્ય
10 મિનિટનું ભાવુક ગીત
આ નવું ગીત અંદાજે 10 મિનિટ લાંબુ છે. જેમાં દેશની માટીથી લઈને પત્નીના માથાની બિંદી સુધીની વાતો વણી લેવામાં આવી છે. મનોજ મુન્તશીરે આ ગીતના શબ્દો લખ્યા છે. જોકે, ઓરિજિનલ ગીતમાં જે હાઈ-પિચ અને જોશ હતો, તેના બદલે આ ગીતને સોફ્ટ અને વધુ ઈમોશનલ બનાવવાનો પ્રયાસ કરવામાં આવ્યો છે, જે ઘણા ચાહકોને પસંદ નથી પડી રહ્યો.સુનીલ શેટ્ટીના પુત્ર અહાન શેટ્ટીએ આ ગીતના રિલીઝ પર એક તસવીર શેર કરતા લખ્યું કે, “હું મારા પિતાને ‘સંદેશે આતે હૈ’નો ભાગ બનતા જોઈને મોટો થયો છું અને આજે હું પોતે ‘ઘર કબ આઓગે’નો ભાગ છું. આ માત્ર ગીત નથી, પણ દરેક સૈનિકની વણકહી લાગણીઓ છે.” અહાન આ ફિલ્મ દ્વારા તેના પિતાના વારસાને આગળ ધપાવી રહ્યો છે.
View this post on Instagram
યુટ્યુબ અને ટ્વિટર (X) પર ઘણા ચાહકો કહી રહ્યા છે કે ઓરિજિનલ ગીતની ‘આત્મા’ સાથે છેડછાડ કરવામાં આવી છે. કેટલાક યુઝર્સે લખ્યું કે, “અરિજિત સિંહ સારો ગાયક છે, પણ દેશભક્તિના ગીતમાં સોનુ નિગમ અને રૂપ કુમાર રાઠોડ જેવો જાદુ નથી સર્જી શકાયો.” જોકે, એક વર્ગ એવો પણ છે જે આ નવા વર્ઝનને શાંતિથી સાંભળવા જેવું ગણાવી રહ્યો છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
