News Continuous Bureau | Mumbai
Border 2 Story Leak: ભારતની સૌથી આઇકોનિક વોર ફિલ્મ ‘બોર્ડર’ (1997) ના લાંબા ઈંતજાર બાદ હવે તેનો બીજો ભાગ ‘બોર્ડર 2′ સિનેમાઘરોમાં આવવા માટે તૈયાર છે. આ ફિલ્મ માત્ર લૌંગેવાલા બોર્ડર સુધી મર્યાદિત નથી, પરંતુ 1971 ના ભારત-પાકિસ્તાન યુદ્ધના વ્યાપક મોરચાને આવરી લેશે. ફિલ્મમાં પાકિસ્તાની સેનાની કાયરતા અને ભારતીય સેનાના અપ્રતિમ શૌર્યની ગાથા આધુનિક સ્કેલ (Scale) પર બતાવવામાં આવી છે.’બોર્ડર 2’ ના ટ્રેલરે સોશિયલ મીડિયા પર ધૂમ મચાવી દીધી છે. આ વખતે વાર્તા પૂર્વી પાકિસ્તાન (હવે બાંગ્લાદેશ) ની આઝાદી અને ભારતીય હવાઈ દળ તેમજ નૌકાદળના પરાક્રમો પર કેન્દ્રિત છે. સની દેઓલ ફરી એકવાર તેજસ્વી ફોજી અવતારમાં જોવા મળશે, જ્યારે વરુણ ધવન અને દિલજીત દોસાંઝ નવા હીરો તરીકે દેશભક્તિનો જુસ્સો વધારશે.
આ સમાચાર પણ વાંચો : Nora Fatehi: ભૂષણ કુમાર સાથે અફેરની અફવાઓ પર નોરા ફતેહીએ તોડ્યું મૌન; વર્ષો જૂની પોસ્ટ વાયરલ થતા અભિનેત્રીએ આપ્યું શોકિંગ રિએક્શન
શું હતું પાકિસ્તાનનું ‘ઓપરેશન ચંગેઝ ખાન’?
3 ડિસેમ્બર 1971 ના રોજ પાકિસ્તાને ઇઝરાયેલથી પ્રેરિત થઈને ભારત પર હવાઈ હુમલો કર્યો હતો, જેને ‘ઓપરેશન ચંગેઝ ખાન’ નામ આપવામાં આવ્યું હતું. પાકિસ્તાની ફાઈટર જેટ્સે પંજાબ, રાજસ્થાન અને જમ્મુ-કાશ્મીરના 11 એરબેઝ પર બોમ્બમારો કર્યો હતો. પાકિસ્તાનને આશા હતી કે અચાનક હુમલો કરવાથી ભારત નબળું પડશે, પરંતુ ભારત આના માટે તૈયાર હતું અને તે જ રાત્રે સત્તાવાર રીતે યુદ્ધની જાહેરાત કરવામાં આવી હતી.
View this post on Instagram
‘બોર્ડર 2’ માં પહેલીવાર આર્મી, એરફોર્સ અને નેવી ની ભૂમિકા એકસાથે બતાવવામાં આવશે. ભારતીય વાયુસેનાએ પાકિસ્તાની જેટ્સને ખદેડી દીધા હતા, જ્યારે નેવીએ કરાચી બંદરને ઘેરી લીધું હતું. આર્મીએ પૂર્વી પાકિસ્તાનમાં ઘૂસીને દુશ્મનોની કમર તોડી નાખી હતી. 16 ડિસેમ્બર 1971 ના રોજ પાકિસ્તાનના 93,000 સૈનિકોએ શરણાગતિ (Surrender) સ્વીકારી હતી, જે વિશ્વના ઈતિહાસમાં સૌથી મોટી શરણાગતિ માનવામાં આવે છે.ફિલ્મમાં બાંગ્લાદેશના નિર્માણ પાછળનો સંઘર્ષ અને ત્યાં રહેતા લોકો પર પાકિસ્તાની સેનાએ કરેલા અત્યાચારોને પણ દર્શાવવામાં આવ્યા છે. સની દેઓલ ભારતીય સેનાના એવા શૂરવીરનું પાત્ર ભજવી રહ્યો છે જે નેતૃત્વ કરે છે. અહાન શેટ્ટી પણ આ ફિલ્મ દ્વારા મહત્વની ભૂમિકામાં જોવા મળશે. 23 જાન્યુઆરીના રોજ રિલીઝ થઈ રહેલી આ ફિલ્મ બોક્સ ઓફિસ પર રેકોર્ડ તોડશે તેવી પૂરેપૂરી સંભાવના છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
