News Continuous Bureau | Mumbai
CBFC Zero Cut Certification સેન્ટ્રલ બોર્ડ ઓફ ફિલ્મ સર્ટિફિકેશન (CBFC) એ તાજેતરમાં ફિલ્મોમાં અતિશય કાપકૂપ કરવા બદલ સોશિયલ મીડિયા અને ફિલ્મ ઇન્ડસ્ટ્રીમાં ભારે ટ્રોલિંગનો સામનો કરવો પડ્યો હતો. પરંતુ, આ અઠવાડિયે સેન્સર બોર્ડે અણધાર્યું નરમ વલણ અપનાવીને ફિલ્મમેકર્સ અને દર્શકોને મોટો સરપ્રાઈઝ આંચકો આપ્યો છે. બોર્ડે કંગના રનૌતની મોસ્ટ અવેટેડ ફિલ્મ ‘ભારત ભાગ્ય વિધાતા’ સહિત ત્રણ મુખ્ય ફિલ્મો પર સેન્સરની કાતર ચલાવ્યા વિના ‘ઝીરો કટ’ (Zero Cut) સાથે પાસ કરીને મોટી ક્લીન ચીટ આપી દીધી છે.
CBFC Zero Cut Certification – ‘ભારત ભાગ્ય વિધાતા’ ને U/A 16+ રેટિંગ
સેન્સર બોર્ડમાંથી એકપણ કટ વિના પાસ થનારી પહેલી ફિલ્મ બોલીવુડ અભિનેત્રી અને સાંસદ કંગના રનૌતની ‘ભારત ભાગ્ય વિધાતા’ છે, જે ૨૬/૧૧ ના મુંબઈ આતંકી હુમલા પર આધારિત છે. આ સંવેદનશીલ અને હિંસક વિષય પર બનેલી થ્રિલર ફિલ્મને એક્ઝામિનિંગ કમિટીએ U/A 16+ રેટિંગ આપ્યું છે. આશ્ચર્યની વાત એ છે કે સેન્સરે તેના કોઈપણ ઓડિયો કે વિઝ્યુઅલ ભાગને હટાવવાની જરૂર નથી સમજી. ૨૯ મેના રોજ જારી કરાયેલા સર્ટિફિકેટ અનુસાર, આ ફિલ્મનો કુલ રનટાઇમ ૧૨૭ મિનિટ (૨ કલાક ૭ મિનિટ) છે અને તે શુક્રવારે સિનેમાઘરોમાં રિલીઝ થઈ રહી છે.
CBFC Zero Cut Certification – વિક્રમ ભટ્ટની ૩D હોરર ફિલ્મ ‘હોન્ટેડ’ ને મળ્યું ‘A’ સર્ટિફિકેટ
આ યાદીમાં વિના કોઈ કાપકૂપ વગર પાસ થનારી બીજી ફિલ્મ પ્રખ્યાત ડાયરેક્ટર વિક્રમ ભટ્ટની ‘હોન્ટેડ – ઇકોઝ ઓફ ધ પાસ્ટ’ (Haunted – Echoes of the Past) છે. આ ફિલ્મ દ્વારા વિક્રમ ભટ્ટ ફરી એકવાર ૩D હોરર ઝોનરમાં વાપસી કરી રહ્યા છે અને તેમાં મિમોહ ચક્રવર્તી લીડ રોલમાં છે. સામાન્ય રીતે એડલ્ટ રેટિંગવાળી હોરર ફિલ્મોમાં ડરામણા કે ઈન્ટિમેટ સીન્સ પર સેન્સર બોર્ડની કાતર ચોક્કસ ચાલે છે, પરંતુ આ ફિલ્મ કોઈ પણ કટ વિના ‘A’ રેટિંગ સાથે પાસ થઈ છે. ૯ જૂને જારી કરાયેલા પ્રમાણપત્ર મુજબ તેનો રન ટાઈમ ૨ કલાક ૧૯ મિનિટ નો છે.
CBFC Zero Cut Certification – હોલીવુડની સાય-ફાય ફિલ્મ ‘બેકરૂમ્સ’ પર પણ સેન્સર બોર્ડ મહેરબાન
ક્લીન ચીટ મેળવનારી ત્રીજી ફિલ્મ હોલીવુડની સાય-ફાય સાયકોલોજિકલ હોરર ફિલ્મ ‘બેકરૂમ્સ’ (Backrooms) છે. તાજેતરમાં જ રિલીઝ થયેલી હિટ હોલીવુડ ફિલ્મ ‘ઓબ્સેસન’ ના કેટલાક સીન્સ કાપવા બદલ થયેલા હોબાળા બાદ બોર્ડે આ નાની ફિલ્મને ૮ જૂને કોઈપણ કટ વિના ‘A’ રેટિંગ આપ્યું છે, જેનો રનટાઈમ ૧ કલાક ૫૧ મિનિટ છે. ફિલ્મ નિષ્ણાતોના મતે, સેન્સર બોર્ડનો આ નિર્ણય ફિલ્મમેકર્સ સાથેના તણાવને ઘટાડવાનો અને એડલ્ટ કન્ટેન્ટ પ્રત્યે વધુ સંતુલિત અને ઉદાર અભિગમ અપનાવવાનો એક સ્પષ્ટ સંકેત આપી રહ્યો છે, જેથી દર્શકો ડાયરેક્ટરના અસલી વિઝન સાથે ફિલ્મ માણી શકશે.
👉 આ સમાચાર વાચો:
Tanu Weds Manu 3 કંગના રનૌત અને આર. માધવનની જોડી હેટ્રિક કરવા તૈયાર, ‘તનુ વેડ્સ મનુ ૩’ કન્ફર્મ!
