News Continuous Bureau | Mumbai
120 Bahadur: ફરહાન અખ્તરની આવનારી ફિલ્મ ‘120 બહાદુર’ રિલીઝ પહેલા જ વિવાદમાં આવી ગઈ છે. રિપોર્ટ મુજબ, ફિલ્મના સેન્સર સર્ટિફિકેટ ને પડકારતી અરજી દિલ્હી હાઈકોર્ટમાં દાખલ થઈ છે. અરજીમાં આરોપ છે કે ફિલ્મ ઐતિહાસિક તથ્યોમાં ફેરફાર કરે છે અને નામ બદલવાની માંગ પણ કરવામાં આવી છે. આ મામલે જજ 26 નવેમ્બરે સુનાવણી કરશે.
આ સમાચાર પણ વાંચો : Sameer Wankhede Case: બેડસ ઓફ બોલિવૂડ સામે સમીર વાનખેડેનો કેસ,દિલ્હી હાઈકોર્ટે ઉઠાવ્યા મહત્વના પ્રશ્નો, જાણો ક્યારે થશે આગળની સુનાવણી
કોણે દાખલ કરી અરજી?
આ અરજી અહીર રેજિમેન્ટ મોર્ચા, એક ટ્રસ્ટી અને રેજાંગ લા યુદ્ધમાં શહીદ થયેલા સૈનિકોના પરિવારજનો દ્વારા દાખલ કરવામાં આવી છે. અરજીમાં કહેવામાં આવ્યું છે કે ફિલ્મમાં મેજર શૈતાન સિંહ ભાટી અને તેમની રેજિમેન્ટની કહાની દર્શાવવામાં આવી છે, પરંતુ તથ્યોમાં ફેરફાર થયો છે.‘120 બહાદુર’ની કહાની 1962ના ભારત-ચીન યુદ્ધ દરમિયાન રેજાંગ લા યુદ્ધ પર આધારિત છે. આ યુદ્ધમાં 13 કુમાઉં રેજિમેન્ટના લગભગ 120 ભારતીય સૈનિકોએ મેજર શૈતાન સિંહના નેતૃત્વ હેઠળ 3,000થી વધુ ચીની સૈનિકો સામે અંતિમ શ્વાસ સુધી લડત આપી હતી. ફિલ્મમાં ફરહાન અખ્તર મેજર શૈતાન સિંહના પાત્રમાં દેખાશે.
‘120 બહાદુર’ 21 નવેમ્બર 2025ના રોજ થિયેટર્સમાં રિલીઝ થવાની છે. તાજેતરમાં ફિલ્મની સ્પેશિયલ સ્ક્રીનિંગમાં સેનાના ઉચ્ચ અધિકારીઓ પણ હાજર રહ્યા હતા અને ફિલ્મને વાસ્તવિકતા દર્શાવતી ગણાવી હતી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
