News Continuous Bureau | Mumbai
Dhurandhar 2 Controversy: આદિત્ય ધરના નિર્દેશનમાં બનેલી ‘ધુરંધર 2’ આગામી 19 માર્ચે રિલીઝ થવા જઈ રહી છે. ફિલ્મની એડવાન્સ બુકિંગ અત્યારથી જ 100 કરોડને પાર કરી ગઈ છે, પરંતુ તેની સફળતા વચ્ચે એક મોટો વિવાદ ઊભો થયો છે. શીખ સમુદાયે આક્ષેપ કર્યો છે કે ફિલ્મમાં રણવીર સિંહના પાત્ર દ્વારા શીખ ધર્મની માન્યતાઓ અને ધાર્મિક સિદ્ધાંતોનું ઉલ્લંઘન કરવામાં આવ્યું છે, જેનાથી તેમની ભાવનાઓને ઠેસ પહોંચી છે.આ મામલે સક્રિય કાર્યકરો અને રાજકીય પક્ષોએ સેન્ટ્રલ બોર્ડ ઓફ ફિલ્મ સર્ટિફિકેશન (CBFC) અને માહિતી અને પ્રસારણ મંત્રાલયમાં હસ્તક્ષેપ કરવાની માંગ કરી છે.
આ સમાચાર પણ વાંચો : Dhurandhar 2 Runtime and Rating: ‘ધુરંધર 2’ માં જોવા મળશે લોહીયાળ જંગ: સેન્સર સર્ટિફિકેટ જાહેર, 4 કલાક લાંબી ફિલ્મમાં રણવીર સિંહનો જોવા મળશે ખતરનાક અંદાજ
રણવીર સિંહના ‘સિગારેટ’ વાળા સીન્સ પર વાંધો
શીખ એક્ટિવિસ્ટ એ ડિરેક્ટર આદિત્ય ધર, પ્રોડ્યુસર્સ અને એક્ટર રણવીર સિંહ વિરુદ્ધ લીગલ નોટિસ મોકલી છે. નોટિસમાં જણાવાયું છે કે ફિલ્મમાં રણવીર સિંહ શીખ પાત્ર ભજવી રહ્યો છે અને કેટલાક સીન્સમાં તેને સિગારેટ પીતા બતાવવામાં આવ્યો છે. શીખ ધર્મમાં ધૂમ્રપાન વર્જિત હોવાથી, પાઘડી પહેરેલા પાત્રને આ રીતે બતાવવું એ સંસ્કૃતિનું અપમાન છે. ફરિયાદ પક્ષે માંગ કરી છે કે આવા તમામ દ્રશ્યો ફિલ્મમાંથી તાત્કાલિક હટાવવામાં આવે.
View this post on Instagram
શિરોમણી અકાલી દળ (દિલ્હી) ના અધ્યક્ષ પરમજીત સિંહ સરનાએ પણ આ મામલે કડક વલણ અપનાવ્યું છે. તેમણે ફિલ્મના ગીત ‘પ્રલય’ ના એક પોસ્ટરનો ઉલ્લેખ કર્યો છે, જેમાં રણવીર સિંહ પાઘડી પહેરેલા લુકમાં હાથમાં સિગારેટ પકડીને બેઠો છે. તેમણે આ ચિત્રણને અત્યંત વાંધાજનક ગણાવીને ઓથોરિટીઝને તપાસ કરવા અપીલ કરી છે. શીખ નેતાઓની માંગ છે કે મેકર્સ આ ભૂલ બદલ માફી માંગે અને વિવાદાસ્પદ પોસ્ટર્સ હટાવે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
