News Continuous Bureau | Mumbai
Dhurandhar 2 Paid Preview:રણવીર સિંહ સ્ટારર ફિલ્મ ‘ધુરંધર: ધ રિવવેન્જ’ ને લઈને દેશભરમાં જોરદાર ક્રેઝ જોવા મળી રહ્યો છે. ફિલ્મ સત્તાવાર રીતે 19 માર્ચના રોજ રિલીઝ થવાની છે, પરંતુ દર્શકોની ભારે માંગને જોતા મેકર્સે એક ખાસ માસ્ટર પ્લાન બનાવ્યો છે. મેકર્સે 18 માર્ચ ના રોજ ‘પેઇડ પ્રીવ્યુ’ શો રાખવાની જાહેરાત કરી છે, જેનો અર્થ છે કે તમે રિલીઝના એક દિવસ પહેલા જ આ ફિલ્મ જોઈ શકશો. આ પ્રીવ્યુ શો 18 માર્ચે સાંજે 5 વાગ્યાથી શરૂ થશે.ફિલ્મનું ટ્રેલર સોશિયલ મીડિયા પર સેન્સેશન બની ગયું છે, જેની અસર ટિકિટ બુકિંગ પર સ્પષ્ટપણે જોવા મળી રહી છે. અત્યાર સુધીમાં પ્રીવ્યુ શો માટે અંદાજે 2,80,563 ટિકિટો વેચાઈ ચૂકી છે. ટિકિટના ભાવ આસમાને હોવા છતાં, ચાહકો ‘ધુરંધર 2’ ને પહેલા જોવા માટે પડાપડી કરી રહ્યા છે. મોટાભાગના શો અત્યારથી જ ‘હાઉસફુલ’ અથવા ‘સોલ્ડ આઉટ’ થઈ ગયા છે.
આ સમાચાર પણ વાંચો : Alpha New Release Date: વાયઆરએફ સ્પાય યુનિવર્સની ‘આલ્ફા’ માટે જોવી પડશે લાંબી રાહ! આલિયા ભટ્ટ અને શરવરી વાઘની એક્શન ફિલ્મની નવી તારીખ જાહેર
તમારા શહેરમાં કેટલી છે ટિકિટની કિંમત?
‘ધુરંધર 2’ ના પેઇડ પ્રીવ્યુ શો માટે મલ્ટીપ્લેક્સ અને પ્રીમિયમ સ્ક્રીન્સ પર ટિકિટના ભાવ રેગ્યુલર કરતા બેગણા રાખવામાં આવ્યા છે:
- મુંબઈ: બોરીવલીના INOX મેગાપ્લેક્સમાં રિક્લાઈનર સીટ માટે ટિકિટની કિંમત સૌથી વધુ 3100 સુધી છે.
- દિલ્હી: PVR સિલેક્ટ સિટી વોકમાં રિક્લાઈનર ટિકિટનો ભાવ 2400 છે.
- મેટ્રો શહેરો: સામાન્ય રીતે મલ્ટીપ્લેક્સમાં ટિકિટનો ભાવ 600 થી 900 ની વચ્ચે છે.
IMAX: આઈમેક્સ શો માટે ટિકિટના ભાવ 1000 થી ઉપર રાખવામાં આવ્યા છે.
ફિલ્મના હિન્દી વર્ઝન માટે સરેરાશ ટિકિટ કિંમત 418 છે, જ્યારે ડોલ્બી સિને ફોર્મેટ માટે આ કિંમત 759 સુધી પહોંચી ગઈ છે. અન્ય ભાષાઓના ડબ વર્ઝનમાં પણ ભાવ ઊંચા જોવા મળી રહ્યા છે.કન્નડ માટે સરેરાશ 445, તેલુગુ માટે લગભગ 230 અને તમિલ માટે 166 રાખવામાં આવ્યા છે.ફિલ્મની એડવાન્સ બુકિંગ અને પ્રીવ્યુ શોના આંકડા જોઈને એવું લાગી રહ્યું છે કે રણવીર સિંહની આ ફિલ્મ બોક્સ ઓફિસ પર સુનામી લાવશે. રિલીઝ પહેલા જ ફિલ્મે કરોડો રૂપિયાની કમાણી કરી લીધી છે અને તેણે ‘પુષ્પા 2’ જેવી મોટી ફિલ્મોના એડવાન્સ બુકિંગ રેકોર્ડ્સને પણ ટક્કર આપી છે. આ ફિલ્મમાં રણવીર સિંહનો અલગ અંદાજ અને 22 વર્ષના નવા હીરોની એન્ટ્રી પણ ચર્ચાનો વિષય બની છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
