News Continuous Bureau | Mumbai
Dhurandhar 2 Teaser Out: રણવીર સિંહની વર્ષ 2025 ની સૌથી મોટી બ્લોકબસ્ટર ફિલ્મ ‘ધુરંધર’ ની ભવ્ય સફળતા બાદ, મેકર્સે હવે તેની મોસ્ટ અવેટેડ સિક્વલ ‘ધુરંધર: ધ રિવન્જ’ નું પહેલું ટીઝર રિલીઝ કરી દીધું છે. આદિત્ય ધર દ્વારા નિર્દેશિત આ એક્શન થ્રિલર ફિલ્મ ફરી એકવાર મોટા પડદા પર ધૂમ મચાવવા તૈયાર છે. ટીઝરમાં રણવીર સિંહનો લુક અને તેના ડાયલોગ્સે સોશિયલ મીડિયા પર સનસનાટી મચાવી દીધી છે.
આ સમાચાર પણ વાંચો : Rajeev Khandelwal: ટીવીનો સુપરસ્ટાર રાજીવ ખંડેલવાલ હવે બન્યો વકીલ! શું એક્ટરે ગ્લેમરની દુનિયાને હંમેશા માટે કહી દીધું છે અલવિદા?
“ઘરમાં ઘૂસશે પણ અને મારશે પણ”
3 ફેબ્રુઆરી 2026 ના રોજ બપોરે 12:12 વાગ્યે જારી કરવામાં આવેલા આ ટીઝરે ફેન્સમાં જોરદાર ઉત્તેજના જગાવી છે. ટીઝરની પંચલાઇન, “આ નવું હિન્દુસ્તાન છે, આ ઘરમાં ઘૂસશે પણ અને મારશે પણ,” દર્શકોમાં ચર્ચાનો વિષય બની છે. પહેલા ભાગમાં રણવીર સિંહે હમઝા અલી મઝારી તરીકે કરાચીના અંડરવર્લ્ડમાં ઘૂસણખોરી કરી હતી, પરંતુ બીજા ભાગમાં તેના પાત્ર ‘જસકીરત સિંહ રંગી’ ની બેકસ્ટોરી અને ખતરનાક બદલાની વાર્તા જોવા મળશે
ફિલ્મ ‘ધુરંધર 2’ ને 19 માર્ચ 2026 ના રોજ સિનેમાઘરોમાં રિલીઝ કરવામાં આવશે. આ ફિલ્મ માત્ર હિન્દી જ નહીં, પરંતુ તેલુગુ, તમિલ, કન્નડ અને મલયાલમ ભાષાઓમાં પણ વર્લ્ડવાઇડ રિલીઝ થઈ રહી છે. આ ફિલ્મમાં આર માધવન, અક્ષય ખન્ના, અર્જુન રામપાલ અને સારા અર્જુન જેવા દિગ્ગજ કલાકારો મહત્વની ભૂમિકામાં જોવા મળશે. ફિલ્મના વિઝ્યુઅલ્સ અને એક્શન સીન્સે તેને અત્યારથી જ વર્ષ 2026 ની સૌથી વધુ રાહ જોવાતી ફિલ્મ બનાવી દીધી છે.
