News Continuous Bureau | Mumbai
Dhurandhar 2 Vicky Kaushal Cameo: રણવીર સિંહની બ્લોકબસ્ટર ફિલ્મ ‘ધુરંધર’ ના બીજા ભાગ એટલે કે ‘ધુરંધર 2’ ને લઈને અત્યારે સિનેમા જગતમાં અનેક અટકળો તેજ થઈ છે. અક્ષય ખન્નાના કેમિયો બાદ હવે સમાચાર મળી રહ્યા છે કે આદિત્ય ધરના ફેવરિટ એક્ટર વિકી કૌશલ પણ આ ફિલ્મમાં સ્પેશિયલ એપિયરન્સમાં જોવા મળી શકે છે. સૌથી મહત્વની વાત એ છે કે વિકી અહીં તેના આઈકોનિક પાત્ર ‘ઉરી’ ના મેજર વિહાન શેરગિલના રોલમાં એક્શન કરતો જોવા મળી શકે છે.ડાયરેક્ટર આદિત્ય ધર અને વિકી કૌશલ વચ્ચે ઘણો સારો બોન્ડ છે. સૂત્રોના જણાવ્યા અનુસાર, આદિત્ય ધરે ‘ઉરી’ અને ‘ધુરંધર’ ને જોડીને એક નવું ‘ધુરંધર યુનિવર્સ’તૈયાર કરવાનો પ્લાન બનાવ્યો છે. જોકે મેકર્સ દ્વારા હજુ સુધી કોઈ સત્તાવાર જાહેરાત કરવામાં આવી નથી.
આ સમાચાર પણ વાંચો : Dhurandhar 2 Teaser Update: રણવીર સિંહની ‘ધુરંધર 2’ ના ટીઝરને મળ્યું ‘A’ સર્ટિફિકેટ; સેન્સર બોર્ડે રનટાઇમ પણ કર્યો કન્ફર્મ
શું ખરેખર ‘ઉરી’ સાથે છે કોઈ કનેક્શન?
‘ધુરંધર’ ના પહેલા ભાગના એન્ડ ક્રેડિટ ટીઝરમાં જ્યારે રણવીર સિંહનું નામ ‘જસકીરત સિંહ રાંગી’ બતાવવામાં આવ્યું, ત્યારથી જ ચાહકોએ તેનું ‘ઉરી’ કનેક્શન શોધવાનું શરૂ કર્યું હતું. યાદ અપાવી દઈએ કે ‘ઉરી’ ફિલ્મના એક સીનમાં કીર્તિ કુલ્હારીએ વિકી કૌશલને તેના પતિનું નામ ‘જસકીરત રાંગી’ જણાવ્યું હતું. આ નાની કડી હવે એક મોટા ક્રોસઓવર તરફ ઈશારો કરી રહી છે.
View this post on Instagram
મીડિયા રિપોર્ટ્સ અનુસાર, આદિત્ય ધરે ‘ધુરંધર 2’ માં વિકી કૌશલના ભાગનું શૂટિંગ પહેલા ભાગની રિલીઝ અગાઉ જ પૂર્ણ કરી લીધું હતું. ફિલ્મમાં વિકીના હિસ્સે કેટલાક જોરદાર એક્શન સીન્સ આવ્યા છે. જોકે રણવીર સિંહ અને વિકી કૌશલ આમને-સામને આવશે કે કેમ તે હજુ સ્પષ્ટ નથી, પરંતુ વિકીની હાજરી જ ફિલ્મની સ્ટાર પાવરને નવી ઊંચાઈ પર લઈ જશે.‘ધુરંધર 2’ આગામી 19 માર્ચ 2026 ના રોજ સિનેમાઘરોમાં રિલીઝ થવાની છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
