News Continuous Bureau | Mumbai
Dhurandhar-Uri:The Surgical Strike Connection: આદિત્ય ધરની નવી ફિલ્મ ‘ધુરંધર’ હાલમાં સિનેમાઘરોમાં ધૂમ મચાવી રહી છે. ફિલ્મે શરૂઆતના બે દિવસમાં જ૫૦ કરોડનો આંકડો પાર કરી લીધો છે. ‘ઉરી: ધ સર્જિકલ સ્ટ્રાઇક’ પછી આદિત્ય ધરની આ બીજી ડિરેક્ટેડ ફિલ્મ છે. ‘ઉરી’ જ્યાં સાચી ઘટના પર આધારિત હતી, ત્યાં ‘ધુરંધર’ પણ કંધાર હાઇજેકથી લઈને સંસદ પર હુમલો, પાકિસ્તાન-બલૂચ વિવાદ અને ૨૬/૧૧ના આતંકવાદી હુમલા સુધીની અનેક સાચી ઘટનાઓથી પ્રેરિત છે. ‘ધુરંધર’ના અંતમાં જ મેકર્સે ફિલ્મના બીજા ભાગની પણ જાહેરાત કરી દીધી છે. આ જાહેરાત પછી સોશિયલ મીડિયા પર એક નવી ચર્ચા શરૂ થઈ છે, જેમાં દાવો કરવામાં આવી રહ્યો છે કે ‘ધુરંધર’ અને ‘ઉરી: ધ સર્જિકલ સ્ટ્રાઇક’ એકબીજા સાથે જોડાયેલી છે. સાથે જ એવી પણ ચર્ચા છે કે રણવીર સિંહના પાત્રનું મૃત્યુ બીજા ભાગમાં થઈ જશે.
આ સમાચાર પણ વાંચો : Dhurandhar First Review: રણવીર સિંહની ‘ધુરંધર’નો પહેલો રિવ્યુ આઉટ! દર્શકોને મળશે સરપ્રાઇઝ
‘ધુરંધર’ અને ‘ઉરી’ વચ્ચેનું કનેક્શન એક વાયરલ ક્લિપ પર આધારિત
‘ઉરી’ અને ‘ધુરંધર’ વચ્ચેના કનેક્શનનો આધાર એક વાયરલ ક્લિપ છે, જે ‘ઉરી’ ફિલ્મની છે. ‘ઉરી: ધ સર્જિકલ સ્ટ્રાઇક’માં વિકી કૌશલનું પાત્ર વિહાન, ભારતીય વાયુ સેનાની પાયલટ ફ્લાઇટ લેફ્ટનન્ટ સીરત કૌરને મળે છે, જેના આર્મી ઓફિસર પતિ એક મિશનમાં શહીદ થઈ ચૂક્યા છે. વાયરલ ક્લિપમાં સીરત કૌરનું પાત્ર ભજવનારી કીર્તિ કુલ્હારી પોતાના શહીદ થયેલા આર્મી ઓફિસર પતિનું નામ જસકીરત સિંહ રંગી જણાવે છે, જે પંજાબ રેજિમેન્ટના હતા અને નૌશેરા સેક્ટરમાં હુમલામાં શહીદ થયા હતા.
In dhurandhar – Ranveer Singh is the character of – jaskirat singh rangi
(#Dhurandhar #DhurandharReview )And
THERE IS A LINK BETWEEN MOVIE URI AND DHURANDAR
WATCH THIS CLIP FROM URI- pic.twitter.com/dWdMgwiJKd— Anant! (@AnantMehta90) December 6, 2025
આ કલીપ વાયરલ થયા બાદ સોશિયલ મીડિયા પર નેટીઝન્સનો એવો દાવો છે કે શહીદ આર્મી ઓફિસર જસકીરત સિંહ રંગી એ ‘ધુરંધર’નો રણવીર સિંહ જ છે. ‘ધુરંધર’માં રણવીર સિંહ પાકિસ્તાનના અંડરવર્લ્ડમાં ભારતના ઘૂસણખોર તરીકે હમઝા અલી મઝારીના નામથી રહે છે. જોકે, નેટીઝન્સનું માનવું છે કે બીજા ભાગમાં રણવીર સિંહ જ જસકીરત સિંહ રંગી સાબિત થશે.ફિલ્મ ‘ધુરંધર’માં રણવીર સિંહને ‘રો’ તરફથી ધુરંધર નામના મિશન પર મોકલવામાં આવ્યો છે. રણવીરના પાત્રને આજીવન કારાવાસની સજા હોવાના કારણે ઓપરેશન ધુરંધર માટે ઉપયોગમાં લેવાય છે. રણવીર સિંહના પાત્રની બેક સ્ટોરી ‘ધુરંધર’ના બીજા ભાગ ‘રિવન્જ’માં ખબર પડશે, જે ૧૯ માર્ચ, ૨૦૨૬ના રોજ સિનેમાઘરોમાં રિલીઝ થવાની છે. જો નેટીઝન્સના દાવા પર વિશ્વાસ કરવામાં આવે તો બીજા ભાગમાં રણવીર સિંહના પાત્રનું મૃત્યુ થઈ જશે, કારણ કે જસકીરત સિંહ રંગીને ‘ઉરી’માં શહીદ બતાવવામાં આવ્યા છે. જોકે, આ બંને ફિલ્મોમાં ખરેખર કોઈ કનેક્શન છે કે નહીં, તે બીજા ભાગના રિલીઝ પછી જ સ્પષ્ટ થશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
