News Continuous Bureau | Mumbai

Dhurandhar: રણવીર સિંહ અને અક્ષય ખન્નાની ફિલ્મ ‘ધુરંધર’ બોક્સ ઓફિસ પર જોરદાર બિઝનેસ કરી રહી છે. રિલીઝના માત્ર છ દિવસની અંદર ફિલ્મનું કલેક્શન  ૨૫૦-૨૬૦ કરોડની નજીક પહોંચી ગયું છે. જોકે, જ્યાં એક તરફ ફિલ્મની ચર્ચા ચારેય બાજુ છે, તો બીજી તરફ તેને લઈને એક નવો વિવાદ ઊભો થયો છે. ગુજરાતના જૂનાગઢમાં બલોચ મકરાણી સમાજે ફિલ્મના વિરોધમાં પ્રદર્શન શરૂ કરી દીધું છે.

આ સમાચાર પણ વાંચો : Dhurnadhar: ધુરંધર ને મળ્યો ઋત્વિક અને અક્ષય કુમાર નો સાથ, દિગ્ગ્જ અભિનેતાઓએ ફિલ્મ ના વખાણ કરતા કહી આવી વાત

વિવાદનું મુખ્ય કારણ

વિરોધ કરી રહેલા સમાજનું કહેવું છે કે ફિલ્મમાં સંજય દત્ત દ્વારા બોલાયેલો એક ડાયલોગ તેમની લાગણીઓને ઠેસ પહોંચાડે છે.ફિલ્મમાં સંજય દત્ત એક ડાયલોગમાં કહે છે,”હંમેશા બોલતા હૂં બડે સાહબ, મગરમચ્છ પર ભરોસા કર સકતે હૈં, લેકિન બલોચ પર નહીં”આ ડાયલોગને લઈને સમાજે નારાજગી વ્યક્ત કરી છે.રણવીર સિંહની ફિલ્મ ‘ધુરંધર’ પરના વિવાદને પગલે મકરાણી સમાજે તેમની ત્રણ મુખ્ય માંગો રજૂ કરી છે. તેમની પ્રથમ માંગ છે કે ફિલ્મમાંથી આ વિવાદિત ડાયલોગને તાત્કાલિક હટાવવામાં આવે. બીજી માંગ એ છે કે જ્યાં સુધી ડાયલોગ હટાવવામાં ન આવે, ત્યાં સુધી ફિલ્મનું પ્રસારણ રોકવામાં આવે. અને ત્રીજી માંગ મુજબ, સમાજની ભાવનાઓને આહત કરવા બદલ નિર્માતાઓ અને કલાકારો દ્વારા સાર્વજનિક માફી માંગવામાં આવે.

જૂનાગઢમાં થયેલા પ્રદર્શનમાં ગુજરાત બલોચ મકરાણી સમાજના અધ્યક્ષ, અન્ય નેતાઓ અને મોટી સંખ્યામાં સમાજના લોકો સામેલ થયા હતા. સમાજનું કહેવું છે કે જો તેમની માંગણીઓ સ્વીકારવામાં નહીં આવે, તો તેઓ ગાંધીજીના અહિંસક માર્ગે સમગ્ર ગુજરાતમાં વ્યાપક આંદોલન શરૂ કરશે.તેમણે એ પણ ચેતવણી આપી છે કે જરૂર પડ્યે હાઇકોર્ટ અને સુપ્રીમ કોર્ટમાં પણ યાચિકા દાખલ કરવામાં આવશે.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)