News Continuous Bureau | Mumbai
Dhurandhar Movie Secrets: રણવીર સિંહ સ્ટારર ફિલ્મ ‘ધુરંધર’ બોક્સ ઓફિસ પર સફળતાના નવા શિખરો સર કરી રહી છે. ફિલ્મમાં રણવીર સિંહ અને અક્ષય ખન્ના પાકિસ્તાની સ્ટાઈલના જે મેલા કુર્તામાં જોવા મળે છે, તે હકીકતમાં નવા અને મોંઘા ડિઝાઈનર કપડાં હતા. કોસ્ટ્યુમ ડિઝાઈનર સ્મૃતિ ચૌહાણે ખુલાસો કર્યો કે આ કપડાંને ફિલ્મના પાત્ર મુજબ જૂના અને ગંદા બતાવવા માટે કાળી ચાના પાણીમાં ધોવામાં આવ્યા હતા અને તેના પર તેલનો સ્પ્રે પણ કરવામાં આવ્યો હતો
આ સમાચાર પણ વાંચો : Toxic Movie Update: રોકી ભાઈ’ સાથે ટકરાશે હુમા કુરેશી? ‘ટોક્સિક’ ફિલ્મમાંથી લીક થયો ‘એલિઝાબેથ’નો ખતરનાક લુક; જાણો રિલીઝ ડેટ
કાળી ચા અને હાઈડ્રોજન પેરોક્સાઇડનો ઉપયોગ
ડિઝાઈનર સ્મૃતિ ચૌહાણે જણાવ્યું કે જ્યારે નવું ફેબ્રિક આવે છે ત્યારે તેની ચમક દૂર કરવી જરૂરી હોય છે. કપડાંને જૂના બતાવવા માટે તેને કાળી ચાના પાણીમાં પલાળવામાં આવતા હતા. વધુમાં, કુર્તા પર પીળાશ લાવવા માટે હાઈડ્રોજન પેરોક્સાઇડનો ઉપયોગ કરવામાં આવ્યો હતો, જેથી તે વર્ષો જૂના હોય તેવું લાગે.ફિલ્મમાં હમઝા અને રહેમાન ડકૈત ના પાત્રો રફ એન્ડ ટફ છે, તેથી તેમના કપડાં પર પરસેવો અને ગંદકી બતાવવા માટે તેલ અને પાણીનું ખાસ મિશ્રણ બનાવીને સ્પ્રે કરવામાં આવતું હતું. આ ઉપરાંત, મીઠાના પાણીથી કપડાંને ધોઈને તેની રચનામાં ફેરફાર કરવામાં આવ્યો હતો. આમ, પડદા પર ગંદા દેખાતા આ કપડાં વાસ્તવમાં વૈજ્ઞાનિક પદ્ધતિથી તૈયાર કરેલા ડિઝાઈનર કોસ્ટ્યુમ હતા.
‘ધુરંધર’ ફિલ્મનું શૂટિંગ ૨૫૦ દિવસ સુધી ચાલ્યું હતું. કલાકારો અને ક્રૂની આ મહેનત રંગ લાવી છે. ફિલ્મ અત્યારે વિશ્વભરમાં ૭૦૦ કરોડ રૂપિયાના આંકડાને સ્પર્શવાની તૈયારીમાં છે. અપેક્ષા છે કે આજે સાંજ સુધીમાં ફિલ્મ આ મોટો માઈલસ્ટોન પાર કરી લેશે. રણવીર સિંહની આ ફિલ્મ અત્યારે બોક્સ ઓફિસ પર અન્ય ફિલ્મોને જોરદાર ટક્કર આપી રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
