News Continuous Bureau | Mumbai
Dhurandhar OTT Controversy: બોક્સ ઓફિસ પર 1300 કરોડથી વધુની કમાણી કરીને ઈતિહાસ રચનારી ફિલ્મ ‘ધુરંધર’ આજે 30 જાન્યુઆરીએ નેટફ્લિક્સ પર સ્ટ્રીમ કરવામાં આવી છે. દોઢ મહિનાના લાંબા ઇન્તજાર બાદ ફેન્સે રાતોની ઊંઘ બગાડીને આ ફિલ્મ જોવાનું શરૂ કર્યું, પણ ટૂંક સમયમાં જ સોશિયલ મીડિયા પર ફરિયાદોનો મારો શરૂ થઈ ગયો. ફેન્સનો આરોપ છે કે મેકર્સે OTT પર ફિલ્મનું ઓરિજિનલ વર્ઝન રિલીઝ કરવાને બદલે ભારે કટ અને મ્યૂટ કરેલું વર્ઝન રિલીઝ કર્યું છે. ફિલ્મને સેન્સર બોર્ડ દ્વારા ‘A’ (એડલ્ટ) રેટિંગ આપવામાં આવ્યું હોવા છતાં, નેટફ્લિક્સ પર તેના ઘણા અપશબ્દો અને ડાયલોગ્સ મ્યૂટ કરી દેવામાં આવ્યા છે. આ ઉપરાંત, થિયેટર વર્ઝન કરતા ફિલ્મમાંથી આશરે 10 મિનિટના સીન્સ પણ ઓછા કરવામાં આવ્યા છે.
આ સમાચાર પણ વાંચો : Bharti Singh Second Baby Name: ભારતી અને હર્ષે સોશિયલ મીડિયા પર કરી બીજા દીકરા ના નામ ની જાહેરાત, જાણો આ નામનું ધાર્મિક અને સામાજિક મહત્વ
સોશિયલ મીડિયા પર યુઝર્સની નારાજગી
એક યુઝરે લખ્યું: “તમે આ ફિલ્મને A સર્ટિફિકેટ આપ્યા પછી પણ શબ્દો મ્યૂટ કરી દીધા. શું અમે તમને 5 વર્ષના બાળકો લાગીએ છીએ? આ એપ પર દરેક વ્યક્તિ 18 વર્ષથી વધુ ઉંમરની છે. આટલા કટ સાથે ફિલ્મ જોવાનો અર્થ શું? તમે ફિલ્મનો અસલી રોમાંચ જ ખતમ કરી દીધો.”અન્ય એક ફેને કહ્યું,”જો અમને OTT પર પણ અનકટ વર્ઝન નહીં મળે, તો ક્યાં મળશે? મેકર્સે આદિત્ય ધરની આ માસ્ટરપીસ સાથે છેડછાડ કરીને ફેન્સની અપેક્ષાઓ પર પાણી ફેરવી દીધું છે.”ત્રીજા યુઝરે પૂછ્યું: “ફિલ્મના બેસ્ટ પાર્ટ્સ જ સેન્સર કરવાના હોય તો તેને OTT પર રિલીઝ કરવાનો પોઈન્ટ શું છે?”
નોંધનીય છે કે તાજેતર માં જ એવા અહેવાલો આવ્યા હતા કે નેટફ્લિક્સ પર ફિલ્મનું એક્સટેન્ડેડ અનકટ વર્ઝન રિલીઝ થશે, જેના કારણે ફેન્સમાં ભારે ઉત્સાહ હતો. પરંતુ હકીકતમાં તેનાથી ઉલટું જોવા મળ્યું છે. આ ફિલ્મ હિન્દી ઉપરાંત તમિલ અને તેલુગુ ભાષામાં પણ રિલીઝ કરવામાં આવી છે, પરંતુ દરેક ભાષામાં સેન્સરની કાતર ચલાવવામાં આવી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
