News Continuous Bureau | Mumbai
Dil To Pagal Hai Casting યશ ચોપરાના નિર્દેશનમાં બનેલી વર્ષ ૧૯૯૭ની સુપરહિટ ફિલ્મ ‘દિલ તો પાગલ હૈ’ આજે પણ હિન્દી સિનેમાની સૌથી યાદગાર રોમેન્ટિક ફિલ્મોમાં ગણાય છે. આ ફિલ્મમાં શાહરૂખ ખાન, માધુરી દીક્ષિત અને કરિશ્મા કપૂરની ત્રિપુટીને દર્શકોએ ખૂબ પસંદ કરી હતી. ખાસ કરીને ‘નિશા’ ના પાત્રમાં કરિશ્મા કપૂરે નેશનલ એવોર્ડ જીત્યો હતો, પરંતુ તાજેતરમાં જ અભિનેત્રીએ ખુલાસો કર્યો છે કે આ રોલ માટે તે પહેલી પસંદ નહોતી.
Dil To Pagal Hai Casting – કાજોલ અને મનીષા કોઈરાલાને મળી હતી પહેલી ઓફર
કરિશ્મા કપૂરે એક ઈન્ટરવ્યુમાં જણાવ્યું કે, જે ફિલ્મે તેને બેસ્ટ સપોર્ટિંગ એક્ટ્રેસનો ફિલ્મફેર અને નેશનલ એવોર્ડ અપાવ્યો, તેના માટે મેકર્સે સૌથી પહેલા કાજોલનો સંપર્ક કર્યો હતો. જોકે, કાજોલે ફિલ્મ કરવાની ના પાડી દીધી હતી. ત્યારપછી આ રોલ મશહૂર અભિનેત્રી મનીષા કોઈરાલાને ઓફર કરવામાં આવ્યો હતો, પરંતુ તેણે પણ આ ફિલ્મ સ્વીકારવાનો ઇનકાર કરી દીધો હતો.
Dil To Pagal Hai Casting – માધુરી દીક્ષિત સામે કામ કરવાનો હતો ડર
કરિશ્માએ કાજોલ અને મનીષા દ્વારા આ ફિલ્મ ઠુકરાવવાનું એક રસપ્રદ કારણ પણ શેર કર્યું છે. તેણે જણાવ્યું કે, તે સમયે ફિલ્મમાં માધુરી દીક્ષિત મુખ્ય ભૂમિકામાં હતી. માધુરી એ જમાનાની સુપરસ્ટાર અને શાનદાર ડાન્સર હતી, તેથી કોઈ પણ અભિનેત્રી તેની સામે સેકન્ડ લીડ રોલ કરવા કે તેની સાથે ડાન્સ કૉમ્પિટિશન કરવા ઈચ્છતી નહોતી. આ જ મુખ્ય કારણ હતું કે બંને મોટી હિરોઈનોએ આ પાત્ર ભજવવાની ના પાડી દીધી હતી.
Dil To Pagal Hai Casting – ‘નિશા’ ના પાત્રે બદલી નાખ્યો સિનેમાનો ટ્રેન્ડ
પોતાના આ આઇકોનિક પાત્રને યાદ કરતા કરિશ્મા કપૂરે કહ્યું કે, ‘નિશા’ નું પાત્ર પરંપરાગત હિરોઈનો જેવું નહોતું કારણ કે ફિલ્મનો હીરો તેના પ્રેમમાં નહોતો પડતો. આ રોલ તેના માટે ઘણો પડકારજનક અને ઈમોશનલ હતો, જેણે તે સમયે બોલિવૂડ સિનેમાનો ટ્રેન્ડ બદલી નાખ્યો હતો. આખરે કરિશ્માએ આ ચેલેન્જ સ્વીકારી અને પોતાના શાનદાર અભિનય તેમજ ડાન્સથી ઇતિહાસ રચી દીધો.
👉 આ સમાચાર વાચો:
Alia Bhatt Sharvari Photos સોશિયલ મીડિયા પર આલિયાશરવરીનો જાદુ એકસરખા આઉટફિટમાં વાયરલ થઈ તસવીરો, ફેન્સે જોડીને આપ્યું નવું નામ!
