News Continuous Bureau | Mumbai
DON 3 Legal War:બોલિવૂડ સુપરસ્ટાર રણવીર સિંહ અત્યારે પોતાની ફિલ્મ ‘ધુરંધર 2’ ના પ્રમોશનમાં વ્યસ્ત છે, પરંતુ બીજી તરફ ‘ડૉન 3’ ને લઈને તેમની મુશ્કેલીઓ વધી રહી છે. રણવીર સિંહે ફિલ્મ છોડી દીધા બાદ એક્સેલ એન્ટરટેઈનમેન્ટે પ્રી-પ્રોડક્શનમાં થયેલા નુકસાન બદલ ૪૦ કરોડ રૂપિયાના વળતરની માંગ કરી છે. આ વિવાદ હવે એટલો વધી ગયો છે કે બંને પક્ષો કાયદાકીય રસ્તો અપનાવવાની તૈયારી કરી રહ્યા છે.તાજેતરના અહેવાલો મુજબ, પ્રોડ્યુસર્સ ગિલ્ડ ઓફ ઇન્ડિયાએ રણવીર સિંહ અને ફરહાન અખ્તરને આ મામલો લીગલ ટીમ દ્વારા ઉકેલવાની સલાહ આપી છે. અગાઉ એવા સમાચાર હતા કે આમિર ખાને આ વિવાદ સુલઝાવવાની જવાબદારી લીધી છે. તાજેતરમાં આમિર ખાનના મુંબઈ સ્થિત નિવાસસ્થાને કરણ જોહર, સાજિદ નડિયાદવાલા, એકતા કપૂર અને જોયા અખ્તર જેવા દિગ્ગજોની એક બેઠક મળી હતી, પરંતુ કોઈ નક્કર પરિણામ આવ્યું નથી.
આ સમાચાર પણ વાંચો : Malaika Arora Harsh Mehta: મલાઈકા અરોરાને ફરી મળ્યો પ્રેમ? અર્જુન સાથેના બ્રેકઅપ બાદ હવે કરોડપતિ બિઝનેસમેન સાથે જોડાયું નામ; જાણો કોણ છે હર્ષ મહેતા
ફરહાન અખ્તર પોતાની માંગ પર અડગ
ફરહાન અખ્તર અને રિતેશ સિધવાનીનું માનવું છે કે રણવીરે છેલ્લી ઘડીએ ફિલ્મ છોડતા પ્રોજેક્ટને આર્થિક નુકસાન થયું છે, તેથી ૪૦ કરોડનું વળતર મળવું જ જોઈએ. ૨ કલાક સુધી ચાલેલી મિટિંગમાં ફરહાન અખ્તરે પોતાનો પક્ષ મજબૂતીથી રજૂ કર્યો હતો. બીજી તરફ, રણવીર સિંહ કોઈપણ પ્રકારના નાણાં ચૂકવવા માટે તૈયાર નથી. રણવીરે પોતાનો પક્ષ સાબિત કરવા માટે ઇમેઇલ્સ અને વ્હોટ્સએપ ચેટ્સના પુરાવા પણ રજૂ કર્યા હોવાનું કહેવાય છે.
View this post on Instagram
એક સંસ્થા તરીકે પ્રોડ્યુસર્સ ગિલ્ડ ઓફ ઇન્ડિયા માત્ર મધ્યસ્થી કરી શકે છે. જ્યારે બંને પક્ષો પોતપોતાની વાત પર અડી રહ્યા, ત્યારે ગિલ્ડના સભ્યોએ તેમને સલાહ આપી કે હવે આ મામલો કોર્ટ અથવા લીગલ ટીમો દ્વારા જ ઉકેલવો યોગ્ય રહેશે. આ વિવાદને કારણે ‘ડૉન 3’ ના ભવિષ્ય પર પણ સવાલો ઉભા થઈ રહ્યા છે.રણવીર સિંહ માટે આ સમય ઘણો પડકારજનક છે. એક તરફ ૧૯ માર્ચે તેમની મોટી ફિલ્મ ‘ધુરંધર 2’ રિલીઝ થઈ રહી છે, તો બીજી તરફ ‘ડૉન 3’ અને ‘કાંતારા’ વિવાદને કારણે તેઓ કાયદાકીય ગુંચવણોમાં ફસાયેલા છે. જો ફરહાન અખ્તર ખરેખર કાયદાકીય પગલાં લેશે, તો રણવીર સિંહની વ્યાવસાયિક ઈમેજ અને આગામી પ્રોજેક્ટ્સ પર તેની મોટી અસર પડી શકે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
