News Continuous Bureau | Mumbai
Ek Din Teaser Out: બોલિવૂડ સુપરસ્ટાર આમિર ખાનના પુત્ર જુનૈદ ખાન તેની નવી ફિલ્મ ‘એક દિન’ ને કારણે ચર્ચામાં છે. આ ફિલ્મમાં તે સાઉથની ટેલેન્ટેડ એક્ટ્રેસ સાઈ પલ્લવી સાથે રોમાન્સ કરતો જોવા મળશે. ગઈકાલે આ ફિલ્મનું પોસ્ટર રિલીઝ કર્યા બાદ, મેકર્સે તેનું ટીઝર રિલીઝ કર્યું છે. ટીઝરમાં બંનેની કેમિસ્ટ્રી અને વાર્તાની એક ઝલક જોવા મળી રહી છે, જે સોશિયલ મીડિયા પર વાયરલ થઈ રહી છે.
આ સમાચાર પણ વાંચો : Dhurandhar Box Office Day 41: ધ રાજા સાબ’ સામે પણ ‘ધુરંધર’ (Dhurandhar) ની ગર્જના, 41માં દિવસે પણ બોક્સ ઓફિસ પર મચાવી ધમાલ; જાણો લેટેસ્ટ કલેક્શન
સપના અને હકીકત વચ્ચેની લવ સ્ટોરી
ટીઝરની શરૂઆત સાઈ અને જુનૈદના અરીસામાં એકબીજાને જોવાની ક્ષણથી થાય છે. જુનૈદ ડાયલોગ બોલે છે, “તમારું સ્મિત મને ખૂબ ગમે છે મીરા. તમારું દિલ જીતી શકીશ કે નહીં એ ખબર નથી.” ટીઝરમાં બંને બરફની વાદીઓમાં રોમેન્ટિક પળો વિતાવતા દેખાય છે, પરંતુ અંતમાં એક વળાંક આવે છે.ટીઝરના અંતમાં સાઈ પલ્લવી કહે છે, “ફિલ્મોમાં કેટલું જાદુ હોય છે ને, કેટલું મેજિકલ છે. પણ અસલ જિંદગીમાં આવું ક્યારેય નથી થતું.” આ ડાયલોગ પરથી સ્પષ્ટ થાય છે કે ‘એક દિન’ માત્ર એક સાદી પ્રેમ કહાની નથી, પરંતુ તેમાં પ્રેમ અને દિલ તૂટવાની વેદના પણ જોવા મળશે. આ એક ક્લાસિક અને સોફ્ટ લવ સ્ટોરી હોવાનું જણાઈ રહ્યું છે.
આ ફિલ્મનું નિર્માણ આમિર ખાન અને મન્સૂર ખાને કર્યું છે. આ જોડીએ અગાઉ ‘કયામત સે કયામત તક’, ‘જો જીતા વહી સિકંદર’ અને ‘જાને તુ યા જાને ના’ જેવી સુપરહિટ ફિલ્મો આપી છે. હવે વર્ષો પછી આ જોડી જુનૈદ અને સાઈ પલ્લવી જેવી ફ્રેશ જોડી સાથે એક નવી પ્રેમ કહાની લઈને આવી રહી છે. ફેન્સ આ ફિલ્મને ‘કયામત સે કયામત તક’ જેવી જ સંગીતમય અને ભાવુક લવ સ્ટોરી માની રહ્યા છે. ‘એક દિન’ આગામી 1 મે, 2026 ના રોજ સિનેમાઘરોમાં રિલીઝ થવાની છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
