News Continuous Bureau | Mumbai
The Raja Saab: તેલુગુ સુપરસ્ટાર પ્રભાસના ચાહકો તેમની ફિલ્મોની રિલીઝને કોઈ તહેવારની જેમ ઉજવવા માટે જાણીતા છે. 9 જાન્યુઆરી, 2026 ના રોજ જ્યારે પ્રભાસની મોસ્ટ અવેટેડ ફિલ્મ ‘ધ રાજા સાબ’ સિનેમાઘરોમાં રિલીઝ થઈ, ત્યારે ફેન્સનો એક એવો ઉન્માદ જોવા મળ્યો જેણે સોશિયલ મીડિયા પર સનસનાટી મચાવી દીધી છે. થિયેટરની અંદર કેટલાક ફેન્સ મગર લઈને પહોંચ્યા હતા, જેને જોઈને અન્ય પ્રેક્ષકો એક ક્ષણ માટે સ્તબ્ધ થઈ ગયા હતા
આ સમાચાર પણ વાંચો : Vicky-Katrina Son Connection With Uri: વિહાન અને ‘ઉરી’ વચ્ચે છે આ અતૂટ સંબંધ! ડાયરેક્ટર આદિત્ય ધરે ખુલાસો કરતા ફેન્સ થયા ભાવુક
થિયેટરમાં મગર લાવવા પાછળનું ખાસ કનેક્શન
વાયરલ થઈ રહેલા વીડિયોમાં જોઈ શકાય છે કે પ્રભાસના પ્રશંસકો પોતાના હાથમાં મગર ઉઠાવીને થિયેટર હોલની અંદર દોડતા જઈ રહ્યા છે. હકીકતમાં, આ ક્રેઝ ફિલ્મમાં પ્રભાસના એક સીનથી પ્રેરિત છે. ટ્રેલરમાં બતાવવામાં આવ્યું છે કે ફાઈટ સીન દરમિયાન પ્રભાસનો કિરદાર એક મગરને હવામાં ઉછાળે છે. જોકે, તપાસ કરતા જાણવા મળ્યું છે કે આ અસલી મગર નહોતા પરંતુ ફેન્સ દ્વારા લાવવામાં આવેલા ડમી પ્રોપ્સ હતા, જે માત્ર મનોરંજન અને સેલિબ્રેશનના ભાગરૂપે લાવવામાં આવ્યા હતા.
View this post on Instagram
મીડિયા રિપોર્ટ અનુસાર, ‘ધ રાજા સાબ’ ને પહેલા દિવસે શાનદાર ઓપનિંગ મળી છે. એવી અપેક્ષા રાખવામાં આવી રહી છે કે ફિલ્મ ભારતની તમામ ભાષાઓમાં થઈને અંદાજે 4.52 કરોડ રૂપિયાનું નેટ કલેક્શન કરી શકે છે. જોકે, આ આંકડા શરૂઆતના ટ્રેન્ડ્સ પર આધારિત છે અને વીકેન્ડ દરમિયાન તેમાં મોટો ઉછાળો જોવા મળી શકે છે. આ ફિલ્મ તેલુગુ ઉપરાંત તમિલ, હિન્દી, કન્નડ અને મલયાલમ એમ પાંચ ભાષાઓમાં રિલીઝ થઈ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
