News Continuous Bureau | Mumbai
Jasmine Sandlas concert| આદિત્ય ધરની સુપરહિટ ફિલ્મ ‘ધુરંધર’ ના ગીતોથી લોકપ્રિય બનેલી ગાયિકા જેસ્મીન સન્ડલાસ હાલમાં એક મોટા વિવાદમાં ફસાઈ ગઈ છે. તાજેતરમાં અમદાવાદમાં આયોજિત તેમના એક લાઈવ કોન્સર્ટનો વીડિયો સોશિયલ મીડિયા પર વાયરલ થયો છે, જેમાં જેસ્મીન લિપસિંકિંગ કરતી અને મંચ પર અજીબ હરકતો કરતી જોવા મળી રહી છે. આ વીડિયો જોઈને દર્શકો ખૂબ જ નારાજ છે અને આક્ષેપ કરી રહ્યા છે કે કોન્સર્ટના નામે તેમને છેતરવામાં આવ્યા છે.
શું છે આખો મામલો?
અમદાવાદમાં યોજાયેલા કોન્સર્ટ દરમિયાન જેસ્મીન પોતાના પ્રખ્યાત ગીત ‘શરારત’ પર પર્ફોર્મ કરી રહી હતી. પરફોર્મન્સ શરૂ થતાની સાથે જ તેણે સ્ટેજ પર પોતાના પર પાણી રેડ્યું હતું, જે દર્શકો માટે આશ્ચર્યજનક હતું. જોકે, વિવાદ ત્યારે વકર્યો જ્યારે ગીત શરૂ થયું અને જેસ્મીન ઘણીવાર માઈક્રોફોન નીચે ઉતારી લેતી હોવા છતાં તેનો અવાજ અને ગીત સ્પષ્ટ રીતે સંભળાતું હતું. આનાથી સ્પષ્ટ થઈ ગયું કે તે ‘લિપ-સિંકિંગ’ કરી રહી હતી.
સોશિયલ મીડિયા પર ફેન્સનો આક્રોશ
આ ક્લિપ ઓનલાઈન શેર થતા જ નેટિઝન્સે સિંગરની આકરી ઝાટકણી કાઢી હતી. ઘણા યુઝર્સે કટાક્ષમાં લખ્યું કે, ‘લાઈવ કોન્સર્ટમાં પણ જો લાઈવ ન ગાવું હોય તો પછી શા માટે પૈસા ખર્ચવા?’ નેટિઝન્સનું માનવું છે કે માત્ર હુક સ્ટેપ્સ કરવા અને બેકગ્રાઉન્ડ મ્યુઝિક પર હોઠ હલાવવા એ કોઈ સાચા કલાકારની નિશાની નથી. ભારે ટ્રોલિંગના કારણે જેસ્મીને આ વીડિયો પોતાની પ્રોફાઈલ પરથી ડિલીટ પણ કરી દીધો છે.આટલી ટીકાઓ છતાં, જેસ્મીનના સમર્થકોએ તેનો બચાવ કર્યો છે. ઘણા ફેન્સનું કહેવું છે કે સ્ટેજ શોમાં ડાન્સ અને પર્ફોર્મન્સ દરમિયાન બેકઅપ ટ્રેકનો ઉપયોગ કરવો સામાન્ય બાબત છે અને કોન્સર્ટમાં ખૂબ જ ઊર્જાવાન વાતાવરણ હતું. જેસ્મીન સન્ડલાસે ‘કિક’ ફિલ્મથી બોલિવૂડમાં ડેબ્યુ કર્યું હતું અને હાલમાં ‘ધુરંધર’ ફિલ્મના ગીતોની સફળતા પછી તે સફળ ગાયિકાઓની યાદીમાં મોખરે છે. છતાં, લાઈવ કોન્સર્ટની પ્રામાણિકતા બાબતે આ વિવાદ હજુ પણ ચર્ચાઈ રહ્યો છે.
👉 આ સમાચાર વાચો:
Citadel 2 Trailer| એજન્ટ નાદિયા ઇઝ બેક! ‘સિટિડેલ 2’ નું ધમાકેદાર ટ્રેલર રિલીઝ, પ્રિયંકા ચોપરાનો એક્શન અવતાર ફરી છવાયો
