News Continuous Bureau | Mumbai
Salman Khan Viral Picture: સલમાન ખાનના ૬૦મા જન્મદિવસની પાર્ટીમાં અનેક હસ્તીઓએ હાજરી આપી હતી, પરંતુ તાજેતર માં વાયરલ થયેલી એક તસવીરે સૌનું ધ્યાન ખેંચ્યું છે. આ ફોટોમાં ભારતીય ક્રિકેટ ટીમના પૂર્વ કેપ્ટન મહેન્દ્ર સિંહ ધોની, સાઉથના મેગાસ્ટાર રામચરણ, અને બોલીવુડ એક્ટર બોબી દેઓલ સલમાન ખાન સાથે પોઝ આપતા જોવા મળે છે. વર્ષના અંતે આ ચાર મોટા સ્ટાર્સને એકસાથે જોઈને ફેન્સની ખુશીનો પાર રહ્યો નથી. અનેક યુઝર્સે આ ફોટોને સોશિયલ મીડિયા પર શેર કરીને તેને વર્ષની શ્રેષ્ઠ તસવીર ગણાવી છે.
આ સમાચાર પણ વાંચો : Salman Khan Business Empire: માત્ર ફિલ્મો જ નહીં, આ ૫ બિઝનેસથી પણ સલમાન ખાન છાપે છે નોટો! આલીશાન લાઈફસ્ટાઈલ પાછળનું શું છે સિક્રેટ?
‘ફ્રેમ ઓફ ધ યર’ પર ફેન્સની પ્રતિક્રિયા
સોશિયલ મીડિયા પર વાયરલ થયેલા આ ફોટો પર ફેન્સે મજેદાર કોમેન્ટ્સ કરી છે. કેટલાક યુઝર્સે મજાકમાં પૂછ્યું કે શું આ AI (આર્ટિફિશિયલ ઇન્ટેલિજન્સ) થી બનેલો ફોટો છે? જોકે આ તસવીર સલમાનના ફાર્મહાઉસ પર રવિવારે યોજાયેલી પાર્ટીની જ છે. ચાહકો હવે એવી માંગ કરી રહ્યા છે કે આ ચારેય દિગ્ગજો એક જ ફિલ્મમાં સાથે જોવા મળે.પોતાના ૬૦મા જન્મદિવસના અવસરે સલમાન ખાને ફેન્સને એક મોટું સરપ્રાઈઝ આપ્યું છે. તેની આગામી ફિલ્મ ‘બેટલ ઓફ ગલવાન’ નું ટીઝર રિલીઝ કરવામાં આવ્યું છે. અપૂર્વ લાખિયા દ્વારા નિર્દેશિત આ ફિલ્મ જૂન ૨૦૨૦ માં લદ્દાખની ગલવાન ઘાટીમાં ભારતીય અને ચીની સૈનિકો વચ્ચે થયેલી અથડામણ પર આધારિત છે. ફિલ્મમાં સલમાન ખાન એક જાંબાઝ આર્મી ઓફિસરના રોલમાં જોવા મળશે.
સલમાનના જન્મદિવસની ઉજવણી માટે ધોની શુક્રવારથી જ ફાર્મહાઉસ પહોંચી ગયો હતો, જ્યારે રામચરણ અને બોબી દેઓલ શનિવારે રાત્રે જોડાયા હતા. આ સિવાય બોલિવૂડના અન્ય અનેક કલાકારો પણ આ ભવ્ય પાર્ટીમાં સામેલ થયા હતા. સલમાનના આર્મી ઓફિસર તરીકેના લુકને સોશિયલ મીડિયા પર સારો પ્રતિસાદ મળી રહ્યો છે, જોકે કેટલાક લોકો તેને ટ્રોલ પણ કરી રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
