News Continuous Bureau | Mumbai

Gaurav Khanna Akansha Chamola Divorce ટેલિવિઝન ઇન્ડસ્ટ્રીના સૌથી લોકપ્રિય અને સ્ટાર કપલ ગણાતા ગૌરવ ખન્ના અને આકાંક્ષા ચમોલાના લગ્નજીવનનો આખરે અંત આવી રહ્યો છે. રિયાલિટી શો ‘બિગ બોસ ૧૮’ માં પોતાની શાનદાર કેમિસ્ટ્રીથી ધૂમ મચાવનારા આ કપલના અલગ થવાના સમાચારથી ફેન્સ ભારે આઘાતમાં છે. તાજેતરમાં જ વિવાદાસ્પદ રિયાલિટી શો ‘લોકઅપ ૨’ માં ધમાકેદાર એન્ટ્રી કરનારી અભિનેત્રી આકાંક્ષા ચમોલાએ જાહેરાત કરી છે કે તે અને ગૌરવ છેલ્લા એક વર્ષથી અલગ રહી રહ્યા છે અને ટૂંક સમયમાં જ સત્તાવાર રીતે છૂટાછેડા લેવાની પ્રક્રિયા શરૂ કરવા જઈ રહ્યા છે. આ ખુલાસા બાદ સોશિયલ મીડિયા પર આકાંક્ષાનો એક જૂનો ઇન્ટરવ્યુ વાયરલ થઈ રહ્યો છે, જેમાં તેણે ગૌરવથી અલગ થવાના અસલી કારણોનો સંકેત આપ્યો હતો.

Gaurav Khanna Akansha Chamola Divorce – શારીરિક અસંતોષ છૂટાછેડા નો મજબૂત આધાર હોઈ શકે છે, આકાંક્ષાએ મહિલાઓના અધિકારો પર કરી હતી વાત

સોશિયલ મીડિયા પર વાયરલ થઈ રહેલા આ જૂના વીડિયોમાં આકાંક્ષા ચમોલાએ લગ્નજીવન અને ખાસ કરીને મહિલાઓની સ્થિતિ પર ખુલીને વાત કરી હતી. પ્રખ્યાત ડિજિટલ પ્લેટફોર્મ ને આપેલા એક ખાસ ઇન્ટરવ્યુ દરમિયાન આકાંક્ષાને પૂછવામાં આવ્યું હતું કે, “શું શારીરિક સંતોષ ન મળવા પર કોઈ મહિલાને તેના પતિથી અલગ થવાનો કાનૂની અધિકાર છે?” આ સવાલનો અત્યંત બિન્દાસ અને બેબાક અંદાજમાં જવાબ આપતાં આકાંક્ષાએ કહ્યું હતું કે, શારીરિક અસંતોષ ચોક્કસપણે છૂટાછેડા મેળવવાનો એક નક્કર અને મજબૂત આધાર હોઈ શકે છે. જો કોઈ સ્ત્રી પોતાના લગ્નજીવનમાં શારીરિક કે માનસિક રીતે ખુશ નથી, તો તેની સીધી નકારાત્મક અસર તેના સંબંધો પર પડે છે.

Gaurav Khanna Akansha Chamola Divorce – ભારતીય સમાજમાં આજે પણ છૂટાછેડા એક મોટો સામાજિક કલંક, સંતોષ ન મળવા પર અલગ થવું ખોટું નથી

પોતાની વાતને આગળ વધારતા આકાંક્ષા ચમોલાએ જણાવ્યું હતું કે, આજના આધુનિક સમયમાં પણ ભારતીય સમાજમાં છૂટાછેડા ને એક મોટો સામાજિક કલંક (Taboo) માનવામાં આવે છે, જે તદ્દન ખોટું છે. તેણે દાવો કર્યો હતો કે જો કોઈ મહિલા પોતાના પાર્ટનરથી સંતુષ્ટ નથી, તો તેને પોતાની આખી જિંદગી તે સંબંધમાં મૂંગા મોઢે વિતાવવાની કોઈ જરૂર નથી અને તેને આગળ વધીને પોતાના હક માટે છૂટાછેડા માંગવાનો પૂરો અધિકાર છે. મીડિયા અહેવાલો મુજબ, આકાંક્ષા પોતાના આ જ બયાન દ્વારા ગૌરવ ખન્ના સાથેના પોતાના સંબંધોની વણસેલી સ્થિતિ અને અસંતોષ તરફ ઈશારો કરી રહી હતી, જેનો ખુલાસો હવે ‘લોકઅપ ૨’ ના મંચ પર થયો છે.

Gaurav Khanna Akansha Chamola Divorce – ‘લોકઅપ ૨’માં આકાંક્ષા માણી રહી છે પોતાની આઝાદી, પતિ ગૌરવ ખન્નાએ સાધ્યું મૌન

હાલમાં ‘લોકઅપ ૨’ ના જેલમાં બંધ આકાંક્ષા ચમોલા સતત પોતાના અંગત જીવન અને ગૌરવ ખન્નાથી અલગ થવા પર સનસનાટીભર્યા નિવેદનો આપી રહી છે. તેણે શોમાં અન્ય કન્ટેસ્ટન્ટ્સ સાથે વાત કરતાં એમ પણ કહ્યું હતું કે, ગૌરવથી અલગ થયા બાદ હવે તે પોતાની સંપૂર્ણ આઝાદીનો આનંદ માણી રહી છે અને હવે તે કોઈ બંધન વિના આખી દુનિયાને એક્સપ્લોર કરવા માંગે છે. આકાંક્ષાના આ તમામ આક્ષેપો અને નિવેદનો ઇન્ટરનેટ પર ભારે ચર્ચા જગાવી રહ્યા છે, પરંતુ બીજી તરફ તેના પતિ અને અભિનેતા ગૌરવ ખન્નાએ આ સમગ્ર વિવાદ પર મૌન સાધી લીધું છે. ગૌરવ તરફથી હજી સુધી કોઈ સત્તાવાર નિવેદન કે સોશિયલ મીડિયા પોસ્ટ સામે આવી નથી, જેથી ચાહકો હવે આ મામલે ગૌરવનો પક્ષ જાણવા માટે પણ આતુર બન્યા છે.

👉 આ સમાચાર વાચો:
Awarapan 2 Teaser રૂવાડાં ઊભા કરી દેશે ઈમરાન હાશ્મીનો આ અંદાજ! ‘આવારાપન ૨’ના ટીઝરે સોશિયલ મીડિયા પર વધાર્યું તાપમાન