ન્યુઝ કન્ટિન્યુઝ બ્યુરો
મુંબઈ, 19 ઑક્ટોબર, 2021
મંગળવાર
હેમા માલિની અને ધર્મેન્દ્રની લવ સ્ટોરી ઇન્ડસ્ટ્રીની સૌથી સફળ લવ સ્ટોરીમાંની એક છે. બૉલિવુડની ડ્રીમ ગર્લને ઇન્ડસ્ટ્રીના ત્રણ મોટા સુપરસ્ટાર્સ – ધર્મેન્દ્ર, જિતેન્દ્ર અને સંજીવકુમાર દ્વારા પસંદ કરવામાં આવી હોવાનું કહેવાય છે અને ઇચ્છતા હતા કે હેમા તેને પોતાના જીવનમાં સમાવે. એ સમયનાં ઘણાં ફિલ્મી સામયિકોમાં પ્રકાશિત થયું હતું કે આ ત્રણેય તેને કેવી રીતે આકર્ષવાનો પ્રયત્ન કરતા રહ્યા.
કરણ જોહરના શો કૉફી વિથ કરણમાં મહેમાન તરીકે આવેલી હેમાએ પણ આ અહેવાલોની પુષ્ટિ કરી હતી. હકીકતમાં જ્યારે જિતેન્દ્ર ફિલ્મોમાં આવ્યો ત્યારે ધર્મેન્દ્ર અને હેમા માલિનીની જોડીએ તે સમયગાળા દરમિયાન ઘણી હિટ ફિલ્મો આપી, ત્યાર બાદ જિતેન્દ્રને લાગ્યું કે જો તેણે હેમા માલિની સાથે લગ્ન કર્યાં તો તે પણ ધર્મેન્દ્ર જેવો નસીબદાર હીરો બની જશે. આ માટે જિતેન્દ્રએ તેની માતાને હેમાની માતાની મિત્ર બનાવી હતી, પરંતુ હેમાની માતા જયા ચક્રવર્તીએ સમગ્ર મામલો હેમા પર છોડી દીધો હતો. એટલું જ નહીં, બંને પરિવાર મદ્રાસમાં પણ મળ્યા હતા. એક મીડિયા હાઉસના એક રિપૉર્ટ અનુસાર, એવા અહેવાલો પણ આવ્યા હતા કે જિતેન્દ્ર અને હેમા માલિનીએ ચેન્નઈ (એ સમયે મદ્રાસ)માં લગ્ન કરવાનો નિર્ણય કર્યો હતો. લગ્નની બાબત નક્કી થઈ ગઈ હોત, પરંતુ જિતેન્દ્ર સગાઈ પછી જલદી લગ્ન કરવા માગતો હતો. તેને ડર હતો કે સગાઈ બાદ હેમા માલિનીનું મન બદલાઈ શકે છે. હેમા માલિની પણ લગ્ન માટે સંમત થઈ હતી.
જ્યારે જિતેન્દ્ર અને હેમા એકબીજાની નજીક આવ્યાં ત્યારે જાણવા મળ્યું કે જિતેન્દ્ર શોભાને પણ ડેટ કરી રહ્યો હતો જે તે સમયના તેઓ બાળપણના મિત્ર હતા. જ્યારે શોભાને ખબર પડી કે જિતેન્દ્ર હેમા સાથે લગ્ન કરવા માગે છે, ત્યારે તેણે હેમાને મનાવવા કહ્યું. આખરે જિતેન્દ્ર અને હેમા અલગ થઈ ગયાં અને જિતેન્દ્રએ શોભા સાથે લગ્ન કર્યાં.
