News Continuous Bureau | Mumbai
Hrithik Roshan birthday special: બોલિવૂડના સૌથી હેન્ડસમ અભિનેતા ઋતિક રોશન આજે એટલે કે 10 જાન્યુઆરી, 2026 ના રોજ પોતાનો 52મો જન્મદિવસ ઉજવી રહ્યા છે. વર્ષ 2000 માં ફિલ્મ ‘કહો ના પ્યાર હૈ’ થી રાતોરાત સુપરસ્ટાર બનેલા ઋતિકે આજે ઇન્ડસ્ટ્રીમાં એક એવું સ્થાન હાંસલ કર્યું છે જ્યાં તેઓ માત્ર એક કલાકાર જ નહીં પરંતુ એક સફળ બિઝનેસમેન પણ છે. સોશિયલ મીડિયા પર ચાહકો તેમને ઉમળકાભેર જન્મદિવસની શુભેચ્છા પાઠવી રહ્યા છે.
આ સમાચાર પણ વાંચો : De De Pyaar De 2 OTT Release: ‘દે દે પ્યાર દે 2’ OTT પર મચાવશે ધમાલ: જાણો ક્યારે અને કયા પ્લેટફોર્મ પર રિલીઝ થશે અજય દેવગન-રકુલ પ્રીતની ફિલ્મ
બાળ કલાકાર તરીકે મળી હતી પહેલી સેલેરી
ઋતિક રોશનનો ફિલ્મી પ્રવાસ ઘણો રસપ્રદ રહ્યો છે. તેમણે વર્ષ 1980 માં આવેલી ફિલ્મ ‘આશા’ માં પહેલીવાર બાળ કલાકાર તરીકે કામ કર્યું હતું. આ નાનકડી ભૂમિકા માટે તેમને મહેનતાણા તરીકે માત્ર 100 રૂપિયા મળ્યા હતા. આજે એ જ ઋતિક રોશન એક ફિલ્મ માટે 65 થી 100 કરોડ રૂપિયા જેટલી માતબર ફી વસૂલે છે. લેટેસ્ટ રિપોર્ટ્સ અનુસાર, ઋતિક રોશનની કુલ સંપત્તિ 3100 કરોડ રૂપિયાથી પણ વધુ છે. તેમની કમાણી માત્ર ફિલ્મો પૂરતી મર્યાદિત નથી. તેઓ પોતાની ફિટનેસ બ્રાન્ડ HRX, બ્રાન્ડ એન્ડોર્સમેન્ટ્સ અને ફેમિલી પ્રોડક્શન હાઉસ દ્વારા પણ કરોડોની કમાણી કરે છે. મુંબઈના જુહુ વિસ્તારમાં તેમની પાસે 100 કરોડની કિંમતનો આલીશાન ડુપ્લેક્સ બંગલો છે. આ ઉપરાંત લોનાવાલામાં તેમનું ફાર્મ હાઉસ અને ગેરેજમાં અનેક મોંઘી લક્ઝરી ગાડીઓનો કાફલો છે.
View this post on Instagram
ઋતિક રોશનની અંગત જિંદગી પણ અવારનવાર ચર્ચામાં રહે છે. વર્ષ 2000 માં તેમણે સુઝૈન ખાન સાથે લગ્ન કર્યા હતા, પરંતુ 2014 માં બંનેએ છૂટાછેડા લેવાનો નિર્ણય કર્યો. રિપોર્ટ્સ મુજબ, ઋતિકે સુઝૈનને એલેમની તરીકે આશરે 380 કરોડ રૂપિયા આપ્યા હતા, જે બોલિવૂડના સૌથી મોંઘા છૂટાછેડા માનવામાં આવે છે. હાલમાં તેઓ સબા આઝાદને ડેટ કરી રહ્યા છે. પ્રોફેશનલ ફ્રન્ટની વાત કરીએ તો, ચાહકો હવે તેમની આગામી ફિલ્મ ‘ક્રિશ 4’ અને ‘વોર 3’ ના અપડેટની આતુરતાથી રાહ જોઈ રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
