News Continuous Bureau | Mumbai
Hrithik Roshan Don 3: રણવીર સિંહની ફિલ્મ ‘ધુરંધર’ ની ભવ્ય સફળતા બાદ ‘ડોન 3’ સતત ચર્ચામાં છે. રણવીર સિંહ આ ફિલ્મમાંથી બહાર થઈ ગયા હોવાથી અમિતાભ બચ્ચન અને શાહરૂખ ખાન બાદ હવે ત્રીજો ‘ડોન’ કોણ બનશે તે માટે અનેક અટકળો લગાવવામાં આવી રહી છે. હૃતિક રોશનનું નામ સામે આવતા ફેન્સ ખૂબ જ ઉત્સાહિત હતા, પરંતુ ફિલ્મના સૂત્રોએ સ્પષ્ટ કર્યું છે કે હૃતિક સાથે આવી કોઈ વાતચીત થઈ નથી. મેકર્સ અત્યારે સ્ક્રિપ્ટ પર ફરીથી કામ કરી રહ્યા છે જેથી નવા હીરોને તે પાત્રમાં યોગ્ય રીતે ઢાળી શકાય.
આ સમાચાર પણ વાંચો : Don 3 Update: રણવીર સિંહ આઉટ, હવે બોલિવૂડ નો આ હેન્ડસમ હંક બનશે ‘ડોન’? ૧૯ વર્ષ બાદ ફરહાન અખ્તરે ફરી શરૂ કરી વાતચીત; ફિલ્મ જગતમાં મચ્યો ખળભળાટ
સ્ક્રિપ્ટ ફાઈનલ થયા બાદ જ થશે કાસ્ટિંગ
ફિલ્મ સાથે જોડાયેલા સૂત્રોના જણાવ્યા અનુસાર, અત્યારે દરેક વ્યક્તિ વેકેશન અને તહેવારના મૂડમાં છે. આગામી વર્ષે જ આ પ્રોજેક્ટ પર કામ ફરી શરૂ થશે. રણવીર સિંહના એક્ઝિટ બાદ સ્ક્રિપ્ટમાં ફેરફાર કરવો જરૂરી છે. જ્યાં સુધી સ્ક્રિપ્ટ ફાઈનલ નહીં થાય, ત્યાં સુધી કોઈ નવા એક્ટરનો સંપર્ક કરવામાં આવશે નહીં. હૃતિક રોશન એક સારો વિકલ્પ હોઈ શકે છે, પરંતુ હાલની બધી જ ચર્ચાઓ પાયાવિહોણી છે.બીજી તરફ, રણવીર સિંહ હવે તેની આગામી મોટી ફિલ્મ ‘પ્રલય’ ની તૈયારી કરી રહ્યો છે, જે એક ઝોમ્બી થ્રિલર હશે. આ ફિલ્મ માટે રણવીર સિંહ ખૂબ જ મહેનત કરી રહ્યો છે. ‘ડોન 3’ માંથી બહાર નીકળ્યા બાદ રણવીરનું સંપૂર્ણ ધ્યાન હવે પ્રાયોગિક અને મોટા બજેટના સિનેમા પર છે.
રણવીર સિંહની ફિલ્મ ‘ધુરંધર’ ના બીજા ભાગને લઈને પણ મોટા સમાચાર છે. ડાયરેક્ટર આદિત્ય ધરે રણવીરને ‘ધુરંધર 2’ માટે કેટલાક મહત્વના સીન ફિલ્માવવા વિનંતી કરી છે, જે છેલ્લી ઘડીએ વાર્તામાં ઉમેરવામાં આવશે. ‘ધુરંધર 2’ પ્રથમ ભાગ કરતા પણ વધુ ભવ્ય હોવાની અપેક્ષા છે. આ ફિલ્મ અનેક ભારતીય ભાષાઓમાં 19 માર્ચ 2026 ના રોજ રિલીઝ થશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
