News Continuous Bureau | Mumbai
Huma Qureshi Rachit Singh Wedding| બોલીવુડની ટેલેન્ટેડ એક્ટ્રેસ હુમા કુરેશી અને તેના મંગેતર રચિત સિંહના લગ્નની આતુરતાથી રાહ જોવાઈ રહી છે. લેટેસ્ટ મીડિયા રિપોર્ટ્સ અનુસાર, આ જોડી વર્ષ 2026 ના અંત સુધીમાં લગ્ન કરી શકે છે. હુમા અને રચિતે અત્યાર સુધી પોતાના સંબંધોને લઈને સત્તાવાર મહોર નથી લગાવી, પરંતુ સૂત્રોનું માનીએ તો લગ્નની તૈયારીઓ પૂરજોશમાં શરૂ કરી દેવામાં આવી છે.
ક્યારે અને ક્યાં યોજાશે લગ્ન?
રિપોર્ટ અનુસાર, હુમા કુરેશી અને રચિત સિંહ ઓક્ટોબરના અંતમાં અથવા નવેમ્બર 2026 માં લગ્ન કરવાનું પ્લાનિંગ કરી રહ્યા છે. હુમા કુરેશી એક સાદગીભર્યા લગ્ન ઈચ્છે છે, જેમાં માત્ર નજીકના મિત્રો અને પરિવારના સભ્યો જ સામેલ હોય. લગ્ન બાદ ફિલ્મ ઈન્ડસ્ટ્રીના મિત્રો માટે મુંબઈમાં એક ગ્રાન્ડ રિસેપ્શન પાર્ટી યોજવાની શક્યતા છે. અત્યાર સુધીના સમાચાર મુજબ, આ લગ્ન મુંબઈમાં જ યોજવામાં આવશે.
અમેરિકામાં થઈ હતી ગુપચુપ સગાઈ
હુમા અને રચિતના સંબંધોની ચર્ચા ત્યારે તેજ થઈ જ્યારે તેઓ ફિલ્મ ‘થામા’ ના સ્ક્રીનિંગમાં સાથે જોવા મળ્યા હતા. ત્યારબાદ સોનાક્ષી સિંહાના લગ્નમાં પણ આ જોડીએ સાથે એન્ટ્રી કરી હતી. એવું કહેવામાં આવે છે કે સપ્ટેમ્બર 2025 માં અમેરિકાના પ્રવાસ દરમિયાન રચિત સિંહે હુમાને પ્રપોઝ કર્યું હતું અને ત્યાં જ એક ઈન્ટિમેટ સેરેમનીમાં બંનેએ સગાઈ કરી લીધી હતી.
હુમા કુરેશી નું વર્ક ફ્રન્ટ
લગ્નની તૈયારીઓ વચ્ચે હુમા પોતાના કામમાં પણ વ્યસ્ત છે. તે આગામી સમયમાં સુપરસ્ટાર યશ સ્ટારર ફિલ્મ ‘ટોક્સિક: એ ફેરીટેલ ફોર ગ્રોન-અપ્સ’ માં જોવા મળશે. આ ફિલ્મમાં હુમા ‘એલિઝાબેથ’ નામનું મહત્વનું પાત્ર ભજવી રહી છે. આ ફિલ્મનું નિર્દેશન ગીતુ મોહનદાસ કરી રહ્યા છે. ‘ટોક્સિક’ ની નવી રિલીઝ ડેટની જાહેરાત હજુ સુધી મેકર્સ દ્વારા કરવામાં આવી નથી.
