ન્યુઝ કન્ટિન્યુઝ બ્યુરો
મુંબઈ,12 જાન્યુઆરી 2022
બુધવાર
બોલિવૂડ એક્ટર શાહરૂખ ખાનના બંગલા મન્નતને ઉડાવી દેવાની ધમકી આપનાર આરોપી યુવકની પોલીસે જબલપુરથી ધરપકડ કરી છે. આતંકવાદી હુમલા અને બોમ્બ વિસ્ફોટની ધમકી આપનાર આરોપી યુવકની શનિવારે જબલપુરના સંજીવની નગર પોલીસ સ્ટેશને ધરપકડ કરી હતી. જેનું નામ જીતેશ ઠાકુર છે.
મીડિયા રિપોર્ટ્સ અનુસાર, 6 જાન્યુઆરીના રોજ યુવકે મહારાષ્ટ્ર પોલીસ કંટ્રોલ રૂમને ફોન કરીને શાહરૂખ ખાનના બંગલા સહિત મુંબઈના વિવિધ સ્થળોએ આતંકવાદી હુમલા અને બોમ્બ વિસ્ફોટના નકલી કોલ કર્યા હતા.જબલપુર પોલીસના જણાવ્યા અનુસાર, જીતેશ ઠાકુર સંજીવની નગર પોલીસ સ્ટેશન વિસ્તારના ગંગા નગર વિસ્તારમાં રહેતો હતો. ગત 6ઠ્ઠી તારીખે જીતેશ ઠાકુર દ્વારા મહારાષ્ટ્ર પોલીસના કંટ્રોલ રૂમમાં કોલ કરવામાં આવ્યો હતો અને તેના દ્વારા આતંકવાદી હુમલા અને બોમ્બ બ્લાસ્ટની નકલી માહિતી આપવામાં આવી હતી. જે બાદ તેનો કોલ ટ્રેસ થયો અને તે જબલપુરનો હોવાનું બહાર આવ્યું. આ પછી મહારાષ્ટ્ર પોલીસે જબલપુર પોલીસનો સંપર્ક કર્યો.જબલપુરના ગોરખપુર સીએસપી એ જણાવ્યું કે આરોપી યુવકે ભૂતકાળમાં ઘણી વખત સીએમ હેલ્પલાઈન અને ડાયલ હંડ્રેડ પર કોલ કરીને હેરાનગતિ કરી છે. દારૂ પીધા બાદ યુવક સીએમ હેલ્પલાઈન અને હંડ્રેડ ડાયલ પર ફેક કોલ કરે છે. પોલીસે આરોપી યુવકની ધરપકડ કરી છે. હવે તેને કોર્ટમાં રજૂ કરવામાં આવશે.
બોલિવૂડ ના આ દિગ્ગ્જ કલાકારો કરશે આ વર્ષે OTT પર ડેબ્યૂ; જાણો તે સ્ટાર્સ અને વેબસીરીઝ વિશે
વર્ક ફ્રન્ટની વાત કરીએ તો શાહરૂખ ખાન તેની આગામી ફિલ્મો શરૂ કરવા માટે તૈયાર છે. તે દીપિકા પાદુકોણ સાથે ‘પઠાણ’માં જાેવા મળશે. આ ફિલ્મમાં સલમાન ખાન કેમિયો કરતો જાેવા મળશે.બોલિવૂડના બાદશાહ શાહરૂખ ખાનના બંગલા મન્નતને ઉડાવી દેવાની ધમકી આપનાર વ્યક્તિની ધરપકડ કરવામાં આવી છે. પોલીસે આરોપીની મધ્યપ્રદેશના જબલપુરથી ધરપકડ કરી છે. ૬ જાન્યુઆરી ૨૦૨૨ના રોજ જીતેશે મહારાષ્ટ્ર પોલીસ કંટ્રોલ રૂમને ફોન કરીને કહ્યું હતું કે, તે શાહરૂખના બંગલાને બોમ્બથી ઉડાવી દેશે. જેમાં તેણે શાહરૂખના બંગલા સહિત મુંબઈના વિવિધ સ્થળોએ આતંકવાદી હુમલા અને બોમ્બ વિસ્ફોટ કરવાની ધમકી આપી હતી. ‘રઈસ’ સ્ટારની એક ઝલક મેળવવા તેના ઘરની બહાર ચાહકોની ભીડ જામે છે. પોલીસ આવી ધમકીઓને હળવાશથી ન લઈ શકે.
