News Continuous Bureau | Mumbai
Jawan 2 Script Ready Villain Cast બોલિવૂડના કિંગ ખાન શાહરૂખ ખાનની કારકિર્દીની સૌથી વધુ કમાણી કરનારી બ્લોકબસ્ટર ફિલ્મ ‘જવાન’ ના સીક્વલને લઈને એક મોટું અને સત્તાવાર અપડેટ સામે આવ્યું છે. ફિલ્મ ‘જવાન ૨’ ની સ્ક્રિપ્ટની આઉટલાઇન હવે સંપૂર્ણપણે તૈયાર થઈ ગઈ છે અને હૈદરાબાદમાં એક મોટી ઓફિસ ખોલીને ફિલ્મનું પ્રીપ્રોડક્શન કામ પણ શરૂ કરી દેવામાં આવ્યું છે. આ વખતે ડાયરેક્ટર એટલી (Atlee) ફિલ્મમાં ડબલ વિલન લાવીને મોટો ધડાકો કરવાની તૈયારીમાં છે, જેમાં બોલિવૂડ અને સાઉથ સિનેમાના સુપરસ્ટાર્સ નેગેટિવ રોલમાં જોવા મળી શકે છે.
Jawan 2 Script Ready Villain Cast – વિલન તરીકે સાઉથના કિંગ અલ્લુ અર્જુન ઉર્ફે ‘રાકા’ ના કેમિયોથી થશે ફિલ્મની શરૂઆત
મીડિયા અહેવાલ મુજબ, ‘જવાન ૨’ ની કાસ્ટિંગ પ્રક્રિયા અત્યંત ઝડપી કરી દેવામાં આવી છે અને એક ખાસ ટીમ માત્ર વિલનના પાત્ર પર કામ કરી રહી છે. ચર્ચા છે કે ફિલ્મમાં એક વિલન બોલિવૂડમાંથી અને બીજો કન્નડ અથવા તેલુગુ સિનેમામાંથી હશે. હાલમાં સાઉથના સુપરસ્ટાર અલ્લુ અર્જુન (Allu Arjun) નું નામ સૌથી વધુ ચર્ચામાં છે. અહેવાલો મુજબ, ફિલ્મની શરૂઆત અલ્લુ અર્જુન ઉર્ફે ‘રાકા’ ના પાવરફુલ કેમિયો સાથે થશે, જેના દ્વારા ડાયરેક્ટર એટલી પોતાની બે ફિલ્મોના યુનિવર્સને આપસમાં કનેક્ટ કરશે. બોલિવૂડમાંથી સલમાન ખાનના નામની પણ અટકળો ચાલી રહી છે, જોકે હજુ સુધી કોઈ સત્તાવાર જાહેરાત કરાઈ નથી. શાહરૂખ ખાન પોતાની આગામી ફિલ્મ ‘કિંગ’ નું શૂટિંગ પૂરું કર્યા બાદ તરત જ ‘જવાન ૨’ ના કામમાં વ્યસ્ત થઈ જશે.
👉 આ સમાચાર વાચો:
Oscars Panel Indian Members List ઓસ્કારમાં વાગશે ભારતનો ડંકો! વિશાલ ભારદ્વાજ સહિત ૬ ભારતીય દિગ્ગજોને એકેડેમીમાં મળ્યું સ્થાન, જુઓ આખી યાદી
