News Continuous Bureau | Mumbai
Jawan:એક તરફ શાહરૂખ ખાનની ફિલ્મ જવાન બોક્સ ઓફિસ પર ધૂમ મચાવી રહી છે તો બીજી તરફ તેના ડાયલોગ્સ, એક્શન સીન અને ગીતોના કેટલાક ભાગો પણ દર્શકોને પસંદ આવી રહ્યા છે. ફિલ્મનો એક ડાયલોગ, ‘બેટે કો હાથ લગાને સે પહેલે, બાપ સે બાત કર’ ટ્રેલર રિલીઝ થતાની સાથે જ ફેમસ થઈ ગયો હતો. પરંતુ શું તમે જાણો છો કે આ ડાયલોગ સ્ક્રિપ્ટનો હિસ્સો જ નહોતો. ‘જવાન’ ના ડાયલોગ રાઈટર સુમિત અરોરાએ આ વિશે જણાવ્યું છે.
જવાન ફિલ્મ ની સ્ક્રિપ્ટ માં નહોતો ડાયલોગ
ફિલ્મ જવાનના ડાયલોગ રાઈટર સુમિત અરોરાએ મીડિયા સાથે વાત કરતા કહ્યું કે હું તે સમયે સેટ પર હતો, તેથી મને બોલાવવામાં આવ્યો અને તે પરિસ્થિતિ જોયા પછી મારા મોંમાંથી સંવાદ નીકળ્યો – ‘બેટે કો હાથ લગાને સે પહેલે, બાપ સે બાત કર’ તે સમયે એવું લાગ્યું કે તે ક્ષણે કહેવા માટે આ યોગ્ય પંક્તિ છે. અને તે ફિટ થઇ ગઈ. એટલી સર અને એસઆરકે સર બંનેને આ સાચું લાગ્યું અને સીન શૂટ કરવામાં આવ્યો.સુમિતે વધુ માંકહ્યું- આ વાર્તા તમને ફિલ્મ નિર્માણના જાદુનો અહેસાસ કરાવે છે. આ લાઈન ક્યારેય ડ્રાફ્ટમાં ન હતી. ફિલ્મમાં SRK સાહેબે ભજવેલી ભૂમિકાને જોઈને કહી શકાય કે આ લાઈન હંમેશા હતી. આપણે બધા જાણીએ છીએ કે તે કોઈપણ સંવાદ વિના એક શક્તિશાળી ક્ષણ બની જાય છે. શૂટિંગ દરમિયાન લાગ્યું કે આ લાઈન હોવી જોઈએ. આ વ્યક્તિ (શાહરૂખ ખાન)ને કંઈક કહેવું જોઈએ.સુમિત કહે છે, ‘શાહરુખ સર જે રીતે આ ડાયલોગ સંભળાવતા હતા તેનાથી અમને હાશકારો થયો હતો. ક્યારેય વિચાર્યું ન હતું કે આ લાઇન આટલી મોટી હિટ બનશે. એક લેખક ફક્ત તેની લાઇન લખી શકે છે, પરંતુ તે હિટ થશે કે નહીં તે કોઈ કહી શકતું નથી.
આ સમાચાર પણ વાંચો : Jawan: ‘જવાન’ ને બ્લોકબસ્ટર બનાવવામાં અજય દેવગનનો પણ છે હાથ, જાણો કેવી રીતે અભિનેતા એ શાહરૂખ ખાન ની ફિલ્મ ને કર્યો સપોર્ટ
જવાન માં જોવા મળ્યો શાહરુખ ખાન નો એક્શન અવતાર
શાહરૂખ ખાન અત્યાર સુધી રોમાન્સ કિંગ તરીકે ઓળખાતો હતો. પરંતુ ‘પઠાણ’ અને ‘જવાન’ પછી તેણે સાબિત કર્યું કે એક્શન કિંગનું બિરુદ પણ તેના નામ પર જ જાય છે. લોકોને ફિલ્મમાં બાદશાહની એક્શન જ પસંદ નથી આવી રહી, પરંતુ તેના ડાયલોગ્સ પણ ફેમસ થઈ રહ્યા છે. રાજકારણ પર કિંગ ખાનનો મોનોલોગ હોય કે પછી ‘દીકરાને અડતા પહેલા પિતા સાથે વાત કરો’. આ ડાયલોગ વિશે એવું પણ કહેવામાં આવી રહ્યું છે કે આ દ્વારા શાહરૂખે તેના પુત્ર આર્યન ને ઘેરી રહેલા લોકોને ચેતવણી આપી છે.
