News Continuous Bureau | Mumbai
Kartik Aaryan: કાર્તિક આર્યન અત્યારે પોતાની આગામી ફિલ્મ ‘નાગઝિલા’ ના શૂટિંગમાં વ્યસ્ત છે, પરંતુ આ દરમિયાન તેના ચાહકો માટે એક ખુશખબર આવી છે. વર્ષ ૨૦૧૮ ની સુપરહિટ રોમેન્ટિક કોમેડી ફિલ્મ ‘સોનુ કે ટીટૂ કી સ્વીટી’ ની આઠમી એનિવર્સરી નિમિત્તે મેકર્સે તેને ફરીથી રિલીઝ કરવાનો નિર્ણય લીધો છે. કાર્તિકે પોતે ઇન્સ્ટાગ્રામ પર આ જાહેરાત કરતા લખ્યું કે, “આ શુક્રવારે… મોટા પડદા પર ફરી એકવાર હાસ્ય અને ઈમોશન્સને જીવો!” લવ રંજન દ્વારા નિર્દેશિત આ ફિલ્મમાં કાર્તિક આર્યન સાથે સની સિંહ અને નુસરત ભરુચા મુખ્ય ભૂમિકામાં હતા. મિત્રતા અને પ્રેમ વચ્ચેની લડાઈને આ ફિલ્મમાં ખૂબ જ હળવી અને રમુજી રીતે દર્શાવવામાં આવી હતી. આ ફિલ્મના ગીતો જેમ કે ‘દિલ ચોરી’ અને ‘બોમ ડિગી ડિગી’ આજે પણ લોકોના ફેવરિટ છે.
બોક્સ ઓફિસ પર મચાવી હતી ધૂમ
‘સોનુ કે ટીટૂ કી સ્વીટી’ એક ‘સરપ્રાઈઝ બ્લોકબસ્ટર’ સાબિત થઈ હતી. આ ફિલ્મ અંદાજે ૨૫ થી ૪૦ કરોડના બજેટમાં બની હતી અને તેણે વિશ્વભરમાં ૧૫૬ કરોડ રૂપિયા થી વધુની કમાણી કરી હતી. આ ફિલ્મ પછી જ કાર્તિક આર્યન ‘૧૦૦ કરોડ ક્લબ’ નો હિસ્સો બન્યો અને તેના કરિયરમાં ‘લુકા છુપી’ અને ‘ભૂલ ભુલૈયા’ જેવી મોટી હિટ ફિલ્મોની શરૂઆત થઈ.
View this post on Instagram
જો તમે ૨૦૧૮ માં આ ફિલ્મ થીયેટરમાં જોવાનું ચૂકી ગયા હોવ, તો ૬ માર્ચ, ૨૦૨૬ (શુક્રવાર) થી તમે ફરીથી તમારી નજીકના સિનેમાઘરોમાં સોનુ અને ટીટૂની મિત્રતાની મજા માણી શકશો. હોળીના વેકેશન દરમિયાન આ ફિલ્મ ફેમિલી અને મિત્રો સાથે જોવા માટે ઉત્તમ વિકલ્પ બની રહેશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
