News Continuous Bureau | Mumbai
The Kerala Story 2 Release Ban: ‘ધ કેરળ સ્ટોરી ૨’ ૨૭ ફેબ્રુઆરીએ સિનેમાઘરોમાં દસ્તક આપવાની હતી, પરંતુ રિલીઝના ૨૪ કલાક પહેલા જ કેરળ હાઈકોર્ટે તેની પ્રદર્શિત થવા પર વચગાળાની રોક લગાવી દીધી છે. હાઈકોર્ટે સેન્ટ્રલ બોર્ડ ઓફ ફિલ્મ સર્ટિફિકેશન (CBFC) ની ઝાટકણી કાઢતા કહ્યું કે, એવું લાગે છે કે બોર્ડે કોઈ પણ દિશાનિર્દેશોનું પાલન કર્યા વગર જ ફિલ્મને લીલી ઝંડી આપી દીધી છે.ફિલ્મના પ્રોડ્યુસર વિપુલ શાહે હાઈકોર્ટના આ નિર્ણય સામે નારાજગી વ્યક્ત કરી છે અને જાહેરાત કરી છે કે તેઓ આ આદેશ વિરુદ્ધ સુપ્રીમ કોર્ટમાં અપીલ કરશે. મેકર્સનું કહેવું છે કે આંતરરાષ્ટ્રીય રિલીઝ અને ડિસ્ટ્રીબ્યુશન માટેના તમામ કરારો થઈ ચૂક્યા છે, તેથી રિલીઝ અટકાવવાથી મોટું આર્થિક નુકસાન થશે.
આ સમાચાર પણ વાંચો : ‘ViRosh’ Wedding: વિજય-રશ્મિકાના લગ્નમાં PM મોદીનું સ્પેશિયલ ગેસ્ચર: નવયુગલને પત્ર લખી પાઠવ્યા આશીર્વાદ; સોશિયલ મીડિયા પર વાયરલ થઈ પીએમની શુભેચ્છા
હાઈકોર્ટે સેન્સર બોર્ડને કેમ ફટકાર લગાવી?
જસ્ટિસ ની સિંગલ જજની બેન્ચે સુનાવણી દરમિયાન આશ્ચર્ય વ્યક્ત કર્યું હતું કે આટલી વિવાદાસ્પદ સામગ્રી હોવા છતાં ફિલ્મને ‘A’ ને બદલે ‘U/A’ સર્ટિફિકેટ કેવી રીતે આપવામાં આવ્યું? કોર્ટે કહ્યું કે પ્રમાણપત્ર આપતી વખતે CBFC એ સામાજિક સૌહાર્દ જાળવવા માટેના જરૂરી નિયમોને ધ્યાનમાં રાખ્યા હોય તેવું પ્રથમ દ્રષ્ટિએ જણાતું નથી.
સુનાવણીમાં અરજદાર, ફિલ્મમેકર્સ અને કેન્દ્ર સરકાર વચ્ચે ઉગ્ર દલીલો થઈ હતી. જ્યારે પ્રોડ્યુસર્સે ઉતાવળમાં નિર્ણય લેવા વિનંતી કરી, ત્યારે જસ્ટિસ એ કડક શબ્દોમાં ચેતવણી આપી હતી કે ‘કોર્ટને ઘેરવાનો પ્રયાસ ન કરો’. કોર્ટે સ્પષ્ટ કર્યું કે તમામ પાસાઓને સાંભળ્યા બાદ જ આખરી આદેશ આપવામાં આવશે.હવે બધી નજર સુપ્રીમ કોર્ટ પર ટકેલી છે. જો સુપ્રીમ કોર્ટ હાઈકોર્ટના સ્ટે પર રોક લગાવે તો જ ફિલ્મ રિલીઝ થઈ શકશે. ૨૦૨૩માં જ્યારે આ ફિલ્મનો પહેલો ભાગ આવ્યો હતો ત્યારે પણ ભારે વિવાદ થયો હતો, અને હવે બીજા ભાગને લઈને ફરી એકવાર કાયદાકીય અને રાજકીય જંગ છેડાયો છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
