News Continuous Bureau | Mumbai

બોલિવૂડ ઈન્ડસ્ટ્રીના લોકપ્રિય કપલમાંથી એક સિદ્ધાર્થ મલ્હોત્રા અને કિયારા અડવાણી ટૂંક સમયમાં જ પોતાના જીવનની નવી ઈનિંગ શરૂ કરવા જઈ રહ્યા છે. કપલ રાજસ્થાનમાં લગ્ન કરવા જઈ રહ્યું છે. બન્ને ના પ્રિ વેડિંગ સેરેમની શરૂ થઇ ગઈ છે. બન્ને 7 ફેબ્રુઆરી એ લગ્ન ના બંધન માં બઁધાશે. તો  ચાલો જાણીએ કે લગ્ન પછી સિદ્ધાર્થ મલ્હોત્રા અને કિયારા અડવાણી ની કુલ સંપત્તિ કેટલી હશે.

સિદ્ધાર્થ-કિયારા ની એક ફિલ્મ ની ફીસ 

સિદ્ધાર્થ મલ્હોત્રા અને કિયારા અડવાણી બોલિવૂડ ઈન્ડસ્ટ્રીના ટોપ સ્ટાર્સમાંના એક છે. બંને સ્ટાર્સે પોતાની એક્ટિંગના દમ પર ઘણી કમાણી કરી છે. આ સાથે સિદ્ધાર્થ મલ્હોત્રા અને કિયારા અડવાણી જાહેરાતોમાંથી પણ કમાણી કરે છે.સિદ્ધાર્થ મલ્હોત્રા અને કિયારા અડવાણી એક ફિલ્મ માટે કરોડો રૂપિયા લે છે. સિદ્ધાર્થ મલ્હોત્રા એક ફિલ્મ માટે 7-8 કરોડ રૂપિયા લે છે, જ્યારે કિયારા અડવાણી એક ફિલ્મ માટે 4-5 કરોડ રૂપિયા લે છે.સિદ્ધાર્થ મલ્હોત્રા અને કિયારા અડવાણી ઘણી બ્રાન્ડ્સને એન્ડોર્સ કરે છે. સિદ્ધાર્થ મલ્હોત્રા એક બ્રાન્ડ માટે 4 કરોડ રૂપિયા ચાર્જ કરે છે, જ્યારે કિયારા અડવાણી 2 થી 3 કરોડ રૂપિયા લે છે.

સિદ્ધાર્થ-કિયારા ની નેટવર્થ 

મીડિયા રિપોર્ટ્સ મુજબ, સિદ્ધાર્થ મલ્હોત્રાની અત્યાર સુધીની કુલ સંપત્તિ 80 કરોડ રૂપિયા છે. તે જ સમયે, કિયારા અડવાણીની કુલ સંપત્તિ 23 કરોડ રૂપિયા છે. આ રીતે, સિદ્ધાર્થ મલ્હોત્રા અને કિયારા અડવાણીની સંયુક્ત સંપત્તિ 103 કરોડ રૂપિયા થશે.સિદ્ધાર્થ મલ્હોત્રાનું મુંબઈમાં આલિશાન ઘર છે અને તેની પાસે ખૂબ જ મોંઘી ગાડીઓ છે. બીજી તરફ કિયારા અડવાણી પાસે ઘર અને મોંઘી ગાડીઓ છે. તે ખૂબ જ મોંઘી બ્રાન્ડનો ઉપયોગ કરે છે.સિદ્ધાર્થ મલ્હોત્રા અને કિયારા અડવાણી છેલ્લા 4 વર્ષથી એકબીજાને ડેટ કરી રહ્યાં છે. જોકે, સિદ્ધાર્થ મલ્હોત્રા અને કિયારા અડવાણીએ તેમના સંબંધો અંગે ક્યારેય કોઈ પ્રતિક્રિયા આપી નથી.સિદ્ધાર્થ મલ્હોત્રા અને કિયારા અડવાણીએ ફિલ્મ ‘શેરશાહ’માં સાથે કામ કર્યું હતું.