News Continuous Bureau | Mumbai
KSBKBT 2| ટીવીની પોપ્યુલર સીરિયલ ‘ક્યોંકી સાસ ભી કભી બહૂ થી 2’ માં હાલમાં જ આકાશદીપ સેહગલે ‘રિયાંશ’ તરીકે એન્ટ્રી કરી છે. રિયાંશ એ અંશનો પુત્ર છે, પરંતુ આ કાસ્ટિંગને લઈને સોશિયલ મીડિયા પર ભારે ટ્રોલિંગ થઈ રહ્યું છે. 51 વર્ષના આકાશદીપ સીરિયલમાં 25 વર્ષના યુવકની ભૂમિકા ભજવી રહ્યા છે, જ્યારે તેમનાથી 8 વર્ષ નાની અભિનેત્રી પરખ મદન તેમની માતાનો રોલ કરી રહી છે. આ અસંતુલિત ઉંમરના તફાવતને લઈને ચાહકો આશ્ચર્યચકિત છે.
કલાકાર તરીકે મારું કામ પાત્રમાં ઉતરવાનું છે
ઉંમરમાં મોટા એક્ટરની માતાનું પાત્ર ભજવવા પર પરખ મદને હાલમાં જ એક ઇન્ટરવ્યુમાં પોતાનો પક્ષ રાખ્યો છે. પરખે જણાવ્યું કે તેને આમાં કોઈ મુશ્કેલી નથી. તેણે કહ્યું, “એક કલાકાર તરીકે મારું કામ પાત્રમાં પૂરી રીતે ઉતરવાનું છે, મારા પોતાના બર્થ સર્ટિફિકેટ તરફ જોવાનું નહીં. એક્ટરની ઉંમર અને લુક્સ પર ધ્યાન આપવાનું કામ મેકર્સ અને ક્રિએટિવ ટીમનું છે અને મને તેમના પર પૂરો વિશ્વાસ છે.”
ટ્રોલિંગને ગણાવ્યું માત્ર ‘ઘોંઘાટ’
પરખ મદને સીરિયલની કાસ્ટિંગ પર થઈ રહેલા ટ્રોલિંગ અંગે પણ વાત કરી હતી. તેણે આકાશદીપના એ નિવેદન સાથે સહમતી દર્શાવી જેમાં તેણે ટ્રોલિંગને માત્ર ‘ઘોંઘાટ’ (શોર) ગણાવ્યો હતો. પરખે કહ્યું કે નેગેટિવિટીથી પ્રભાવિત થવું એ કોઈ વિકલ્પ નથી જો આપણે આપણું કામ ઈમાનદારીથી કરવું હોય. તેણે ઉમેર્યું કે રિએક્શન આપવા જરૂરી છે, પરંતુ તેને વ્યક્તિગત રીતે લેવાની જરૂર નથી.
ટ્રોલ્સ પણ શોના બઝમાં આપી રહ્યા છે ફાળો
અભિનેત્રીએ ખૂબ જ હળવા અંદાજમાં કહ્યું કે આજના સમયમાં ‘મીમ મટીરિયલ’ બનવું એ ખરાબ નથી, તેનો અર્થ એ છે કે લોકો તમને જોઈ રહ્યા છે. પરખના મતે, શો અત્યારે વ્યુઅરશિપના મામલે ટોપ પર છે, જેનો અર્થ છે કે જે લોકો ટ્રોલ કરી રહ્યા છે તેઓ પણ ક્યાંકને ક્યાંક આ શોની ચર્ચા અને પબ્લિસિટીમાં પોતાનો ફાળો આપી રહ્યા છે. અત્યારે આ શોમાં આવતા નવા ટ્વિસ્ટ દર્શકોને જકડી રાખવામાં સફળ રહ્યા છે.
👉 આ સમાચાર વાચો:
Ramanand Sagar’s Iconic Show| રામાયણમહાભારત નહીં, પણ રામાનંદ સાગરનો આ શો હતો ‘માસ્ટરપીસ’! જાણો 8.3 રેટિંગ ધરાવતા તે શો વિશે જેણે રચ્યો હતો ઈતિહાસ
