News Continuous Bureau | Mumbai
Kumar Sanu : બોલિવૂડના જાણીતા પ્લેબેક સિંગર કુમાર સાનુએ પોતાની પૂર્વ પત્ની રીતા ભટ્ટાચાર્ય વિરુદ્ધ બોમ્બે હાઈકોર્ટમાં માનહાનિનો કેસ દાખલ કર્યો છે. સિંગરનો આરોપ છે કે રીતાએ ઈન્ટરવ્યુમાં તેમના પર ખોટા અને નુકસાનકારક આરોપો લગાવીને તેમની છબી ખરડાવી છે. કુમાર સાનુએ 30 લાખ રૂપિયાના વળતરની સાથે તમામ વિવાદાસ્પદ ઈન્ટરવ્યુ સોશિયલ મીડિયા પરથી હટાવવાની માંગ કરી છે.
આ સમાચાર પણ વાંચો : Aashram Season 4: બાબા નિરાલા પાછો આવી રહ્યો છે! ‘આશ્રમ 4’ કન્ફર્મ, ક્યારે શરૂ થશે શૂટિંગ? જાણો તમામ વિગતો
શું હતા પૂર્વ પત્નીના ગંભીર આરોપો?
સપ્ટેમ્બર 2025માં રીતા ભટ્ટાચાર્યનો એક ઈન્ટરવ્યુ સોશિયલ મીડિયા પર વાયરલ થયો હતો, જેમાં તેમણે સનસનીખેજ ખુલાસા કર્યા હતા.રીતાએ દાવો કર્યો હતો કે ગર્ભાવસ્થા દરમિયાન તેમને ભૂખ્યા રાખવામાં આવ્યા હતા અને રસોડું બંધ કરી દેવામાં આવ્યું હતું. તેમણે આરોપ લગાવ્યો હતો કે તેમને દૂધ અને મેડિકલ સારવાર પણ આપવામાં આવી ન હતી.તેમણે સિંગર પર અન્ય મહિલા સાથે અફેર હોવાનો અને પરિવારની અવગણના કરવાનો પણ આરોપ મૂક્યો હતો.
કુમાર સાનુની અરજીમાં દાવો કરવામાં આવ્યો છે કે આ નિવેદનો છૂટાછેડા વખતના કરારનું ઉલ્લંઘન છે.બંનેના છૂટાછેડા 9 ફેબ્રુઆરી 2001ના રોજ બાંદ્રા ફેમિલી કોર્ટમાં થયા હતા.કરારમાં સ્પષ્ટ લખ્યું હતું કે ભવિષ્યમાં કોઈ પણ પક્ષ એકબીજા પર જાહેરમાં આરોપો લગાવશે નહીં.સિંગરનું કહેવું છે કે આ ખોટા નિવેદનોને કારણે તેમની પ્રોફેશનલ પ્રતિષ્ઠાને નુકસાન થયું છે અને આર્થિક ફટકો પણ પડ્યો છે.કુમાર સાનુએ 27 સપ્ટેમ્બરે જ રીતા અને મીડિયા પ્લેટફોર્મ્સને નોટિસ મોકલી હતી. તેમ છતાં ઈન્ટરવ્યુ ન હટાવતા હવે મામલો કોર્ટમાં પહોંચ્યો છે. બોમ્બે હાઈકોર્ટમાં આ કેસની સુનાવણી જલ્દી જ થવાની છે.સિંગરે માંગ કરી છે કે સોશિયલ મીડિયા પરથી તેમના વિશેના તમામ ખોટા વીડિયો અને આર્ટિકલ્સ તાત્કાલિક હટાવવામાં આવે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
