News Continuous Bureau | Mumbai
Love & War:બોલીવુડના દિગ્ગજ ડાયરેક્ટર સંજય લીલા ભણસાલી તાજેતરમાં હાર્ટ અટેકની અફવાઓને કારણે ચર્ચામાં હતા, જોકે તેમના પરિવારે આ વાતને નકારી કાઢી છે. આ દરમિયાન તેમની આગામી ફિલ્મ ‘લવ એન્ડ વોર’ ના બજેટને લઈને ચોંકાવનારા સમાચાર સામે આવ્યા છે. આ ફિલ્મ હવે ભણસાલીનો અત્યાર સુધીનો સૌથી મોંઘો પ્રોજેક્ટ બની ગયો છે.મળતી માહિતી મુજબ, શરૂઆતમાં આ ફિલ્મનું બજેટ અંદાજે ૩૫૦ કરોડ નક્કી કરવામાં આવ્યું હતું. પરંતુ શૂટિંગમાં થતો વિલંબ અને ભવ્ય સેટ્સને કારણે હવે આ આંકડો વધીને ૪૨૫ કરોડ સુધી પહોંચી ગયો છે. આ ફિલ્મમાં રણબીર કપૂર, આલિયા ભટ્ટ અને વિકી કૌશલ જેવા દિગ્ગજ કલાકારો હોવાથી ચાહકોમાં પહેલેથી જ ભારે ઉત્તેજના છે.
આ સમાચાર પણ વાંચો : Ranveer Allahbadia New House Mumbai: ઝીરોથી કરોડો સુધીની સફર: રણવીર અલ્હાબાદિયાએ મુંબઈમાં ખરીદ્યું લક્ઝુરિયસ એપાર્ટમેન્ટ; યુટ્યુબ કિંગની નેટવર્થ જોઈ આંખો પહોળી થઈ જશે
શૂટિંગના દિવસો વધતા બજેટ ખોરવાયું
ફિલ્મને પહેલા ૧૨૦ દિવસમાં પૂરી કરવાનું આયોજન હતું, પરંતુ હવે શૂટિંગ વધીને ૧૭૫ દિવસ સુધી પહોંચી ગયું છે. હજુ પણ ફિલ્મના ત્રણ ગીતો અને એક મહત્વનો સીન શૂટ કરવાનો બાકી છે. શૂટિંગ લંબાવાને કારણે પ્રોડક્શનનો ખર્ચ સતત વધી રહ્યો છે, જેના લીધે બજેટમાં પણ મોટો ઉછાળો જોવા મળ્યો છે.
View this post on Instagram
ભલે ફિલ્મનું બજેટ વધ્યું હોય, પરંતુ મેકર્સે રિલીઝ પહેલા જ મોટી રકમ રિકવર કરી લીધી છે. ફિલ્મના સ્ટ્રીમિંગ રાઈટ્સ નેટફ્લિક્સને આશરે ૧૩૦ કરોડમાં વેચવામાં આવ્યા છે. આ ઉપરાંત મ્યુઝિક અને ટીવી રાઈટ્સ દ્વારા પણ ૭૦-૮૦ કરોડની કમાણી થઈ છે. આમ, ફિલ્મ થિયેટરમાં રિલીઝ થાય તે પહેલા જ ૨૦૦ કરોડની કમાણી કરી ચૂકી છે.અગાઉ આ ફિલ્મ માર્ચ ૨૦૨૬માં રિલીઝ થવાની ચર્ચાઓ હતી, પરંતુ શૂટિંગના દિવસો વધતા હવે રિલીઝ ડેટ આગળ વધી શકે છે. ભણસાલી પોતાની ફિલ્મોમાં પરફેક્શન માટે જાણીતા છે અને ‘લવ એન્ડ વોર’ એક પિરિયડ ડ્રામા હોવાથી તેના પોસ્ટ-પ્રોડક્શનમાં પણ ઘણો સમય લાગશે. ત્રણેય મોટા કલાકારોના ટ્રાન્સફોર્મેશન અને ભવ્ય વાર્તાને કારણે દર્શકો આ ફિલ્મની આતુરતાથી રાહ જોઈ રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
