News Continuous Bureau | Mumbai
Made In Korea OTT Release: ઓટીટી પ્લેટફોર્મ પર ઘણીવાર એવી ફિલ્મો આવે છે જે ગણતરીના કલાકોમાં જ દર્શકોના દિલ જીતી લે છે. હાલમાં જ નેટફ્લિક્સ પર રિલીઝ થયેલી તમિલ ફિલ્મ ‘મેડ ઇન કોરિયા’ એ આવું જ કમાલ કરી બતાવ્યું છે. 12 માર્ચના રોજ સ્ટ્રીમ થયેલી આ ફિલ્મ માત્ર 24 કલાકમાં જ ટોપ ટ્રેન્ડિંગમાં નંબર 1 પર પહોંચી ગઈ છે. કોમેડી અને ઈમોશનથી ભરપૂર આ ફિલ્મ જોયા પછી તમે કોરિયન ડ્રામા જોવાનું પણ ભૂલી જશો તેવો દાવો ફેન્સ કરી રહ્યા છે.આ ફિલ્મ 1 કલાક અને 52 મિનિટ લાંબી છે અને તેને ક્રિટિક્સ તરફથી પણ પોઝિટિવ રિવ્યુ મળ્યા છે. જો તમે વીકેન્ડ માટે કોઈ સારી ફિલ્મ શોધી રહ્યા હોવ, તો ‘મેડ ઇન કોરિયા’ તમારી વોચ લિસ્ટમાં ચોક્કસ હોવી જોઈએ.
આ સમાચાર પણ વાંચો : Kyunki Saas Bhi Kabhi Bahu Thi 2: તુલસીના પૌત્રની શોધ તેજ! પર્લ વી પુરી અને પ્રિયાંક શર્મા વચ્ચે જંગ; KSBKBT 2 માં અંશ ગુજરાલના પુત્રની એન્ટ્રીથી મચશે ખળભળાટ
શું છે ‘મેડ ઇન કોરિયા’ ની વાર્તા?
ફિલ્મની વાર્તા તમિલનાડુના એક નાના શહેરની યુવતી ‘શેનબા’ (પ્રિયંકા મોહન) ની આસપાસ ફરે છે. શેનબા કોરિયન કલ્ચરથી ખૂબ જ પ્રભાવિત છે અને દક્ષિણ કોરિયા જવું તેનું સપનું છે. વાર્તામાં વળાંક ત્યારે આવે છે જ્યારે તે અચાનક સિયોલ શહેરમાં પહોંચી જાય છે. ઘરથી દૂર અને તદ્દન નવી સંસ્કૃતિ વચ્ચે ઘેરાયેલી શેનબા કેવી રીતે આ અજાણ્યા શહેરમાં પોતાની જગ્યા બનાવે છે અને કઈ મુશ્કેલીઓનો સામનો કરે છે, તે ખૂબ જ સુંદર રીતે દર્શાવવામાં આવ્યું છે. આ ફિલ્મ હસાવવાની સાથે તમને ઈમોશનલ પણ કરી દેશે.
આ ફિલ્મની ખાસિયત તેની સ્ટાર કાસ્ટ છે. પ્રિયંકા મોહનની સાથે આ ફિલ્મમાં દક્ષિણ કોરિયાના જાણીતા કલાકારો પાર્ક હે જિન અને નો હો જિન પણ જોવા મળે છે. બે અલગ-અલગ દુનિયા અને સંસ્કૃતિને એક પડદા પર લાવીને નિર્દેશક રા. કાર્તિકે એક અદભૂત કલાત્મક સેતુ બનાવવાનો પ્રયાસ કર્યો છે. ફિલ્મનું નિર્માણ શ્રીનિધિ સાગરે ‘રાઈસ ઈસ્ટ એન્ટરટેઈનમેન્ટ’ ના બેનર હેઠળ કર્યું છે.તમિલનાડુના રોજિંદા માહોલ અને સિયોલની વ્યસ્ત શેરીઓ વચ્ચે ફરતી આ વાર્તા હાર્ટ ટચિંગ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
