News Continuous Bureau | Mumbai
Madhuri Dixit: માધુરી દીક્ષિતની વર્ષ ૧૯૮૮માં એક ફિલ્મ આવી હતી, નામ હતું ‘તેજાબ’. આ ફિલ્મની વાર્તાની સાથે-સાથે તેના ગીતો પણ જબરદસ્ત હિટ થયાં હતાં. તેમાં પણ ગીત ‘એક દો તીન’ એ માધુરી ને લોકપ્રિયતા ના શિખર પર પહોંચાડી દીધી હતી. આજકાલના અભિનેતાઓમાં આ વાત ખૂબ સામાન્ય છે કે તેઓ પોતાની ફિલ્મ જોવા માટે સંતાઈને થિયેટર જાય છે, જેથી તેઓ દર્શકોના લાઇવ રિએક્શનનો આનંદ લઈ શકે.
આ સમાચાર પણ વાંચો : Rangela Re Release: 30 વર્ષ બાદ ફરીથી થિયેટરમાં આવી રહી છે આમિર ખાનની ‘રંગીલા’, જાણો ક્યારે થશે રી રિલીઝ
એક કલાકમાં લખાયું હતું ગીત
માધુરી દીક્ષિત ૩૭ વર્ષ પહેલાં તે અનુભવ લઈ ચુકી છે. આ ફિલ્મનું ગીત ‘એક દો તીન’ ખૂબ લોકપ્રિય થયું હતું. લોકો થિયેટરમાં જ ‘મોહિની… મોહિની…’ કહીને બૂમો પાડવા લાગ્યા હતા. અભિનેત્રી અનેક પ્રસંગોએ આ વાતનો સ્વીકાર કરી ચૂકી છે. આ ગીત જાવેદ અખ્તરે લખ્યું હતું અને તેની પાછળની ખાસ વાત એ છે કે તેના પર વધારે કોઈ ખાસ મહેનત કરવામાં આવી ન હતી અને માત્ર એક જ કલાકમાં ગીત તૈયાર થઈ ગયું હતું.
લક્ષ્મીકાંત-પ્યારેલાલની જોડીએ તેનું સંગીત આપ્યું અને માધુરીના ધમાકેદાર ડાન્સે તેમાં ચાર ચાંદ લગાવી દીધા. આ ગીત હંમેશા માટે અમર થઈ ગયું. માધુરી દીક્ષિતે એકવાર કપિલ શર્માના શોમાં જણાવ્યું હતું કે લોકો થિયેટરમાં સિક્કા ફેંકવા લાગ્યા હતા.આ ક્ષણ વિશે વાત કરતાં માધુરીએ કહ્યું, ‘તમને ખબર છે કે થિયેટરમાં ખૂબ મજા આવે છે, તો હું પણ થિયેટરમાં જોવા માટે ગઈ હતી. અમે લોકો અંદર ગયા ત્યારે મેં બુરખો પહેર્યો હતો, જેથી મને કોઈ ઓળખી ન શકે.અમે અંદર ગયા અને બેસી ગયા. હું ‘એક દો તીન’ ગીતની રાહ જોઈ રહી હતી. અમે લોકો આગળ બેઠા હતા, જેવું જ ગીત શરૂ થયું કે લોકોએ સિક્કા ફેંકવાના શરૂ કરી દીધા હતા, જે અમારા માથા પર આવીને પડતા હતા. પછી અમે લોકો ત્યાંથી ભાગી ગયા.”
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
