News Continuous Bureau | Mumbai
O Romeo Box Office Day 3: 13 ફેબ્રુઆરીએ રિલીઝ થયેલી શાહિદ કપૂર અને તૃપ્તિ ડિમરીની ફિલ્મ ‘ઓ રોમિયો’ એ વીકેન્ડમાં શાનદાર પ્રદર્શન કર્યું છે. વિશાલ ભારદ્વાજના નિર્દેશનમાં બનેલી આ ફિલ્મે રવિવારે (ત્રીજા દિવસે) 6.61 કરોડની કમાણી કરી છે. ખાસ કરીને વેલેન્ટાઈન ડેના દિવસે ફિલ્મમાં મોટો ઉછાળો જોવા મળ્યો હતો. આ ફિલ્મે પહેલા દિવસે 8.50 કરોડથી શરૂઆત કરી હતી અને શનિવારે 12.65 કરોડનો જંગી બિઝનેસ કર્યો હતો. અત્યાર સુધીમાં ફિલ્મનું કુલ કલેક્શન 27.76 કરોડ પર પહોંચ્યું છે. ‘ઓ રોમિયો’ અત્યારે તેની સાથે રિલીઝ થયેલી ‘તુ યા મેં’ પર ઘણી ભારે પડી રહી છે.
આ સમાચાર પણ વાંચો : Ragini 3 Movie Update: શું ‘રાગિની 3’ તોડશે બોલ્ડનેસના તમામ રેકોર્ડ? એકતા કપૂરની હિટ ફ્રેન્ચાઈઝીમાં જુનૈદ ખાન અને તમન્ના ભાટિયાની એન્ટ્રી ફાઈનલ!
અન્ય ફિલ્મો પર ‘રોમિયો’નો પ્રભાવ
‘ઓ રોમિયો’ના કારણે અન્ય ફિલ્મોના કલેક્શનમાં ઘટાડો જોવા મળ્યો છે. ‘તુ યા મેં’ એ રવિવારે માત્ર51 લાખની કમાણી કરી છે. આ ઉપરાંત, પહેલાથી થિયેટરોમાં ચાલી રહેલી રાની મુખર્જીની ‘મર્દાની 3’ (82 લાખ) અને સની દેઓલની ‘બોર્ડર 2’ (1.1 કરોડ) ના બિઝનેસ પર પણ શાહિદની ફિલ્મની અસર જોવા મળી રહી છે.
View this post on Instagram
આ ફિલ્મ હુસૈન ઝૈદીની પ્રખ્યાત પુસ્તક ‘માફિયા ક્વીન્સ ઓફ મુંબઈ’ પર આધારિત છે. ફિલ્મની વાર્તા 1995 ના મુંબઈની પૃષ્ઠભૂમિ પર છે, જ્યાં શાહિદ કપૂર ‘ઉસ્તરા’ નામના શાર્પ શૂટરના રોલમાં છે જે IB ઓફિસર ખાન (નાના પાટેકર) માટે કામ કરે છે. તૃપ્તિ ડિમરી ‘અફશા’ ના રોલમાં છે જે ઉસ્તરાને ગેંગસ્ટરોને મારવા માટે સોપારી આપે છે.ફિલ્મમાં અવિનાશ તિવારી, વિક્રાંત મેસી, દિશા પાટની અને તમન્ના ભાટિયા જેવા કલાકારો પણ મહત્વની ભૂમિકામાં છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
