News Continuous Bureau | Mumbai
Oscar 2026: મહારાષ્ટ્રની સંસ્કૃતિ અને લોકકલા પર આધારિત ફિલ્મ ‘દશાવતાર’ એ ઓસ્કાર ૨૦૨૬ માટે ‘મેઈન ઓપન ફિલ્મ કેટેગરી’ (Contention List) માં સ્થાન મેળવીને નવો વિક્રમ સ્થાપ્યો છે. નિર્દેશક સુબોધ ખાનોલકરે સોશિયલ મીડિયા પર આ ખુશખબર શેર કરતા જણાવ્યું કે, આ લિસ્ટમાં સામેલ થનારી તે એકમાત્ર મરાઠી ફિલ્મ છે. ઝી સ્ટુડિયોઝ અને ઓશિયન ફિલ્મ કંપની દ્વારા નિર્મિત આ ફિલ્મ હવે વિશ્વના સૌથી પ્રતિષ્ઠિત એવોર્ડ માટે ભારતનું પ્રતિનિધિત્વ કરશે.
આ સમાચાર પણ વાંચો : Kirti Kulhari: છૂટાછેડાના 4 વર્ષ બાદ કીર્તિ કુલ્હારી ફરી પ્રેમમાં: પોતાની જ ખાસ બહેનપણીના ‘રીલ પતિ’ સાથે મિલાવ્યો હાથ, નવા વર્ષે ખુલાસો!
શું છે ફિલ્મની વાર્તા?
આ ફિલ્મ કોંકણ વિસ્તારની પ્રચલિત લોકકલા ‘દશાવતાર’ પર આધારિત છે. ફિલ્મમાં દિગ્ગજ અભિનેતા દિલીપ પ્રભાવળકર મુખ્ય ભૂમિકામાં છે, જે ભગવાન વિષ્ણુના દશ અવતારોનું પાત્ર ભજવતા એક કલાકારની જીવનયાત્રા દર્શાવે છે. આ વાર્તા પરંપરા, સંઘર્ષ અને આધુનિકતા વચ્ચેના દ્વંદ્વને સુંદર રીતે રજૂ કરે છે.ફિલ્મના મેકર્સે પુષ્ટિ કરી છે કે ‘દશાવતાર’ એકેડમીના ‘ઓફિશિયલ સ્ક્રીનિંગ રૂમ’ માં બતાવવામાં આવનારી પ્રથમ મરાઠી ફિલ્મ બની છે. વિશ્વભરમાંથી હજારો ફિલ્મો મોકલવામાં આવી હતી, જેમાંથી માત્ર ૧૫૦ ફિલ્મોની શોર્ટલિસ્ટમાં આ ફિલ્મે બાજી મારી છે. ૧૨ સપ્ટેમ્બર ૨૦૨૫ના રોજ રિલીઝ થયેલી આ ફિલ્મ બોક્સ ઓફિસ પર પણ બ્લોકબસ્ટર રહી હતી.
View this post on Instagram
ઓસ્કાર ૨૦૨૬ (૯૮મો એવોર્ડ સમારોહ) ૧૫ માર્ચ ૨૦૨૬ ના રોજ લોસ એન્જલસમાં યોજાશે. ભારત તરફથી અન્ય એક ફિલ્મ ‘હોમબાઉન્ડ’ (Homebound – ઈશાન ખટ્ટર સ્ટારર) પણ આ રેસમાં સામેલ છે. હવે જોવાનું એ રહેશે કે ૨૨ જાન્યુઆરી ૨૦૨૬ના રોજ જાહેર થનારા અંતિમ નોમિનેશનમાં ‘દશાવતાર’ પોતાનું સ્થાન પાક્કું કરી શકે છે કે નહીં.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
