News Continuous Bureau | Mumbai
Preity Zinta Luxury Apartment બોલિવૂડ ની પ્રખ્યાત અભિનેત્રી પ્રીતિ ઝિન્ટા મુંબઈના એક અત્યંત પોશ અને લક્ઝુરિયસ વિસ્તારમાં શિફ્ટ થઈ ગઈ છે. અહેવાલો અનુસાર, અભિનેત્રીએ મુંબઈના બાંદ્રા પશ્ચિમ માં આવેલી પાલી હિલ સેલિબ્રિટીઝની ફેવરિટ જગ્યાએ એક આલીશાન એપાર્ટમેન્ટ ભાડે લીધો છે. આ નવા આશિયાના માટે પ્રીતિ દર મહિને લાખો રૂપિયાનું ભાડું ચૂકવશે અને તેણે ભારે સિક્યુરિટી ડિપોઝિટ પણ જમા કરાવી છે.
Preity Zinta Luxury Apartment – બીજા વર્ષે ભાડામાં થશે અધધધ વધારો
પ્રોપર્ટી રજીસ્ટ્રેશન ડેટા ના અહેવાલ મુજબ, પ્રીતિ ઝિન્ટાએ પાલી હિલમાં જે એપાર્ટમેન્ટ લીધો છે તેનું માસિક ભાડું પ્રથમ વર્ષ માટે દર મહિને ૬ લાખ રૂપિયા રહેશે. જ્યારે કરાર મુજબ બીજા વર્ષથી (૧૩મા મહિનાથી ૨૪મા મહિના સુધી) આ ભાડું વધીને દર મહિને ૬.૫૦ લાખ રૂપિયા થઈ જશે. આ ૧,૫૦૦ સ્ક્વેર ફીટના આલીશાન ફ્લેટ સાથે ૧૦૦ સ્ક્વેર ફીટનો પાર્કિંગ એરિયા પણ સામેલ છે. રિપોર્ટ અનુસાર પ્રીતિએ આ ઘર માટે ૨.૭૦ લાખ રૂપિયાની સિક્યુરિટી ડિપોઝિટ ચૂકવી છે.
Preity Zinta Luxury Apartment – માર્ચ ૨૦૨૬માં જ કરોડોનો ફ્લેટ વેચ્યો હતો
આ પહેલાં પ્રીતિ ઝિન્ટાએ માર્ચ ૨૦૨૬માં પાલી હિલ વિસ્તારમાં જ આવેલો પોતાનો એક ફ્લેટ આશરે ૧૮.૫૦ કરોડ રૂપિયામાં વેચ્યો હતો. આ પ્રોપર્ટી તેને જૂની બિલ્ડિંગના રીડેવલપમેન્ટ બાદ એપ્રિલ ૨૦૨૫માં એલોટ કરવામાં આવી હતી. આ સિવાય નવેમ્બર ૨૦૨૫માં પણ પ્રીતિએ રુસ્તમજી પરિશ્રમ બિલ્ડિંગના ૧૧મા માળે આવેલો ૧,૪૭૪ સ્ક્વેર ફીટનો એક ફ્લેટ ૧૪ કરોડ રૂપિયાથી વધુની કિંમતમાં વેચ્યો હતો. આમ, રિયલ એસ્ટેટ માર્કેટમાં પ્રીતિ છેલ્લા કેટલાક સમયથી ઘણી સક્રિય જોવા મળી રહી છે.
Preity Zinta Luxury Apartment – આમિર ખાનના પ્રોડક્શનની ફિલ્મમાં દેખાશે પ્રીતિ
પ્રીતિ ઝિન્ટાના વર્ક ફ્રન્ટની વાત કરીએ તો, તે ટૂંક સમયમાં આમિર ખાન પ્રોડક્શન્સની આગામી ફિલ્મ ‘બંટવારા ૧૯૪૭’ (Bantwara 1947) માં જોવા મળશે. ભારત-પાકિસ્તાનના ભાગલાની ટ્રેજેડી પર આધારિત આ ફિલ્મમાં તે સની દેઓલ, કરણ દેઓલ, શબાના આઝમી અને અલી ફઝલ સાથે સ્ક્રીન શેર કરતી નજરે પડશે. રાજકુમાર હિરાણીના નિર્દેશનમાં બનેલી આ ફિલ્મની સ્ટાર કાસ્ટનો લુક તાજેતરમાં જ રીવીલ કરવામાં આવ્યો હતો. આ ફિલ્મ ૧૪ ઓગસ્ટ ૨૦૨૬ ના રોજ સિનેમાઘરોમાં રિલીઝ થવા જઈ રહી છે.
👉 આ સમાચાર વાચો:
Rakesh Bedi Dhurandhar Script શું ‘ધુરંધર’ની સ્ક્રિપ્ટ PMO માંથી આવી હતી? એક્ટર રાકેશ બેદીએ બોલિવૂડની બ્લોકબસ્ટર ફિલ્મ અંગે ખોલ્યું મોટું રહસ્ય!
