News Continuous Bureau | Mumbai
Raid 2: વર્ષ 2018 માં આવેલી ફિલ્મ રેડ હિટ સાબિત થઇ હતી આ ફિલ્મ માં અજય દેવગણ, ઇલિયાના ડી ક્રુઝ, સૌરભ શુકલા જેવા કલાકારો એ મુખ્ય ભૂમિકા ભજવી હતી. હવે ફિલ્મ ના નિર્માતા એ ફિલ્મ નો બીજો ભાગ બનાવવાનું નક્કી કર્યું છે. તાજેતરમાં જ નિર્માતાઓએ આ ફિલ્મની સત્તાવાર જાહેરાત શેર કરી હતી. ફિલ્મમાં અજય દેવગન ફરી એકવાર I.R.S ઓફિસર અમેય પટનાયકના રોલમાં પરત ફરી રહ્યો છે. સાથે જ હવે ફિલ્મ ના વિલન અને મુખ્ય અભિનેત્રી નું નામ સામે આવ્યું છે.
રેડ 2 માં વિલન ની ભૂમિકા ભજવશે રિતેશ દેશમુખ
ફિલ્મ રેડ ના પહેલા ભાગ માં અજય દેવગણ ની સાથે ઈલિયાના ડીક્રુઝ જોવા મળી હતી. આ વખતે ફિલ્મની સિક્વલ માં વાણી કપૂરે તેનું સ્થાન લીધું છે. ફિલ્મ રેડ માં સૌરભ શુકલા વિલન ની ભૂમિકામાં જોવા મળ્યો હતો. હવે રેડ 2 માં બોલિવૂડ એક્ટર રિતેશ દેશમુખ અજય દેવગન સામે ટક્કર લેતો જોવા મળશે. કોમેડી ફિલ્મો માટે જાણીતા રિતેશે ‘એક વિલન’માં ખૂબ જ મજબૂત નકારાત્મક ભૂમિકા ભજવી હતી. લોકોને રિતેશ નો આ રોલ ખુબ પસંદ આવ્યો હતો.
View this post on Instagram
તમને જણાવી દઈએ કે, ‘રેડ 2’નું નિર્માણ ભૂષણ કુમાર, કુમાર મંગત પાઠક, અભિષેક પાઠક અને કૃષ્ણ કુમાર દ્વારા કરવામાં આવ્યું છે. આ ફિલ્મ ગુલશન કુમાર અને ટી-સિરીઝ દ્વારા રજૂ કરવામાં આવી છે અને તે પેનોરમા સ્ટુડિયો પ્રોડક્શન છે. આ ફિલ્મ 15 નવેમ્બર 2024ના રોજ સિનેમાઘરોમાં રિલીઝ થશે.
આ સમાચાર પણ વાંચો : Bigg boss 17: અંકિતા લોખંડે ના સ્પોર્ટમાં આવી રશ્મિ દેસાઈ, વિકી જૈન ની માતા ને આપ્યો સણસણતો જવાબ
