News Continuous Bureau | Mumbai

 બોલિવૂડના અત્યંત સફળ દિગ્દર્શક ( direction ) 9 વર્ષ પછી તે જ શૈલીમાં પુનરાગમન કરવા માટે તૈયાર છે જેના માટે તેઓ જાણીતા છે. ‘ઘાયલ’, ‘ઘાતક’, ‘દામિની’, ‘અંદાજ અપના અપના’, ‘ખાખી’, ‘ચાઇના ગેટ’, ‘અજબ પ્રેમ કી ગઝબ કહાની’ અને ‘ધ લિજેન્ડ ઓફ ભગત સિંહ’ જેવી ફિલ્મો બનાવનાર દિગ્દર્શક રાજકુમાર સંતોષી ( rajkumar santoshi )  નવી ફિલ્મનું નિર્દેશન કરવા જઈ રહ્યા છે. આ ફિલ્મનો વિષય તેના નામ ( gandhi godse ek yudh film ) પરથી જ જાણી શકાય છે.

 ફિલ્મ ના વિષય પર થઇ શકે છે વિવાદ

જે ફિલ્મથી રાજકુમાર સંતોષી દિગ્દર્શનમાં વાપસી કરી રહ્યા છે તેનું નામ છે ‘ગાંધી ગોડસે એક યુદ્ધ’. હવે જો ફિલ્મનું ફેબ્રિક ખરેખર ગોડસે અને ગાંધીની આસપાસ વણવામાં આવ્યું હોય તો વિવાદ સંભવ છે. દેશમાં અલગ-અલગ વિચારધારાના લોકો આના પર વારંવાર રસાકસી કરતા જોવા મળે છે.’ગાંધી ગોડસે એક યુદ્ધ’ મહાત્મા ગાંધી અને નાથુરામ ગોડસેની બે વિરોધી વિચારધારાઓ વચ્ચેના યુદ્ધને દર્શાવે છે. ફિલ્મ મેકર્સે હાલમાં જ આ વિષય પર ફિલ્મ બનાવવાની જાહેરાત કરી હતી. આ ફિલ્મમાં સંગીત એઆર રહેમાનનું હશે. સંતોષી પ્રોડક્શન્સ એલએલપીની મનીલા સંતોષી દ્વારા નિર્મિત, આ ફિલ્મ PVR પિક્ચર્સ દ્વારા રિલીઝ કરવામાં આવી છે. આ ફિલ્મ આવતા વર્ષે 26 જાન્યુઆરી, 2023ના ગણતંત્ર દિવસના અવસરે સિનેમાઘરોમાં રિલીઝ થશે.

આ સમાચાર પણ વાંચો:    Covid -19: ચીને વિશ્વની ચિંતામાં વધારો કર્યો છે; કોરોનાને કારણે 20 લાખ લોકોના મોતની આશંકા

રાજકુમાર સંતોષી ની ફિલ્મો

તમને જણાવી દઈએ કે, રાજકુમાર સંતોષી માત્ર એક મહાન ફિલ્મ નિર્માતા જ નથી, પણ એક મહાન લેખક પણ છે. સની દેઓલ સાથે તેની જોડી સારી રીતે ચાલે છે. સંતોષીએ ‘ઘાયલ’ જેવી ફિલ્મો લખી છે, આ ફિલ્મ માટે તેને શ્રેષ્ઠ નિર્દેશકનો ફિલ્મફેર એવોર્ડ પણ મળ્યો છે. આ પછી રિલીઝ થયેલી ફિલ્મ ‘દામિની’ માટે તેને બેસ્ટ ડિરેક્ટરનો ફિલ્મફેર એવોર્ડ પણ મળ્યો છે.આ પછી રાજકુમાર સંતોષીએ ‘અંદાઝ અપના અપના’, ‘ચાઈના ગેટ’, ‘પુકાર’, ‘લેજેન્ડ ઑફ ભગત સિંહ’ અને અજબ પ્રેમ કી ગઝબ કહાની જેવી ફિલ્મો બનાવી. શાહિદ કપૂર અને ઇલિયાના ડીક્રુઝ અભિનીત ‘ફટા પોસ્ટર નિકલા હીરો’ તેની છેલ્લી ફિલ્મ હતી.