રામ ચરણ દિલ્હીમાં ગૃહમંત્રી અમિત શાહને મળ્યા, પિતા ચિરંજીવી પણ તેમની સાથે જોવા મળ્યા

ram charan met home minister amit shah with father chiranjeevi in delhi

Written by

Zalak Parikh

in

News Continuous Bureau | Mumbai

સાઉથ સુપરસ્ટાર રામ ચરણ આ દિવસોમાં એસએસ રાજામૌલીની ફિલ્મ ‘RRR’ને લઈને સતત ચર્ચામાં છે. ઓસ્કાર જીત્યા બાદ ચાહકો તેને અને ફિલ્મની ટીમને સતત અભિનંદન આપી રહ્યા છે. હવે કેન્દ્રીય ગૃહ પ્રધાન અમિત શાહ શુક્રવારે દિલ્હીમાં રામ ચરણને મળ્યા હતા. આ દરમિયાન અભિનેતાના પિતા ચિરંજીવી પણ ત્યાં હાજર હતા. ‘નાટુ નાટુ’ ગીત માટે ઓસ્કાર એવોર્ડ જીતવા બદલ ગૃહમંત્રીએ તેમને અભિનંદન પાઠવ્યા હતા.

 

પોસ્ટ થઇ વાયરલ 

રામ ચરણ અને અમિત શાહની મુલાકાત બાદ તેમનો એક વિડીયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોમાં જોઈ શકાય છે કે બેઠકની શરૂઆતમાં રામ ચરણ ગૃહમંત્રીને ફૂલનો ગુલદસ્તો આપીને અભિવાદન કરી રહ્યા છે. આ પછી તેઓ તેમને શાલ ઓઢાડીને સન્માન કરી રહ્યા છે. અમિત શાહે પણ રામ ચરણને ઓસ્કાર જીતવા બદલ અભિનંદન પાઠવ્યા હતા. આ વીડિયો પર ચાહકો ઉગ્ર પ્રેમ વરસાવી રહ્યા છે. તે જ સમયે, કેટલાક ચાહકોનું કહેવું છે કે ચિરંજીવીના ચહેરા પર ગર્વની ભાવના દેખાઈ રહી છે. તેઓ તેમના પુત્ર રામચરણની ઉપલબ્ધિઓથી ખૂબ જ ખુશ છે.

ઓસ્કાર જીતવા બદલ પાઠવ્યા અભિનંદન

આ પહેલા પણ ગૃહમંત્રીએ ટ્વિટ દ્વારા ‘નાટુ નાટુ’ ને ઓસ્કાર જીતવા બદલ અભિનંદન પાઠવ્યા હતા. અમિત શાહે ટ્વીટ કર્યું હતું કે, ભારતીય સિનેમા માટે એક ઐતિહાસિક દિવસ કારણ કે  ‘નાટુ નાટુ’ ગીતે ઓસ્કાર એવોર્ડ જીતીને ઈતિહાસ રચ્યો છે. આ ગીત ભારતીયો તેમજ વિશ્વભરના સંગીત પ્રેમીઓના હોઠ પર છે. ટીમ ‘RRR’ને અભિનંદન.

More posts