રણબીર કપૂર ભૂતપૂર્વ પ્રેમિકા દીપિકા પાદુકોણ સાથે બનાવશે જોડી – આ પ્રોજેક્ટમાં આવશે નજર

News Continuous Bureau | Mumbai

બોલિવૂડ ઇન્ડસ્ટ્રીમાં, સ્ટાર્સ ઘણીવાર તેમના અંગત જીવન અને વ્યાવસાયિક જીવનને શ્રેષ્ઠ રીતે સંતુલિત કરતા જોવા મળે છે. ઘણી વખત એવું બન્યું છે કે જ્યારે બોલિવૂડ સેલેબ્સ(bollywood celebs) કોઈ નવા અને મોટા પ્રોજેક્ટ માટે તેમના અંગત જીવનને(private life) બાજુ પર છોડી દે છે. તેમાંથી એક રણબીર કપૂર અને દીપિકા પાદુકોણ પણ છે જેમણે પોતાના બ્રેકઅપને (breakup)ભૂલીને અયાન મુખર્જીની ફિલ્મ સાઈન કરી હતી. રણબીર કપૂર અને દીપિકા પાદુકોણે આ પ્રોજેક્ટમાં શાનદાર કામ કર્યું હતું. આજે આ બંને સેલિબ્રિટી પરિણીત છે અને પોતપોતાના પાર્ટનર સાથે ખૂબ જ ખુશ છે.

દીપિકા અને રણબીરની જોડીને એકસાથે ઓનસ્ક્રીન (onscreen)જોવા માટે ચાહકો હજુ પણ ઉત્સાહિત છે, હાલ તો એવું લાગી રહ્યું છે કે ચાહકોની રાહ ટૂંક સમયમાં પૂરી થવા જઈ રહી છે, કારણ કે લેટેસ્ટ રિપોર્ટ અનુસાર બંને એકસાથે કામ કરવા માટે તૈયાર છે. જો કે, તેમને મોટા પડદા પર સાથે જોવામાં સમય લાગશે, કારણ કે આ જોડી કોઈ ફિલ્મ માટે નહીં પરંતુ કોમર્શિયલ પ્રોજેક્ટ(commercial project) માટે સાથે સ્ક્રીન શેર કરશે.ફિલ્મ ‘તમાશા’ બાદ દીપિકા અને રણબીર પહેલીવાર સાથે જોવા મળવાના છે. માહિતી અનુસાર, બંનેએ બ્રાન્ડ એન્ડોર્સમેન્ટ (brand endorsement)ડીલ પર હસ્તાક્ષર કર્યા છે એટલે કે તેઓ એક જાહેરાતમાં સાથે જોવા મળી શકે છે. એવા અહેવાલો છે કે તેનું નિર્દેશન પુનિત મલ્હોત્રા કરશે.

આ સમાચાર પણ વાંચો : ફિલ્મ શમશેરાના ટ્રેલર લૉન્ચમાં પહોંચતા પહેલા રણબીર કપૂરની કારનો થયો અકસ્માત-એક્ટરે પોતે જ જણાવી આપવીતી

કેટલાક અહેવાલો અનુસાર, દીપિકા પાદુકોણ ટૂંક સમયમાં અયાન મુખર્જીની બ્રહ્માસ્ત્રમાં(Brahmastra cameo) એક કેમિયો કરતી જોવા મળશે જેમાં રણબીર કપૂર અને આલિયા ભટ્ટ મુખ્ય ભૂમિકામાં છે. રણબીર કપૂર અને દીપિકા પાદુકોણ ‘બચના એ હસીનો’, ‘યે જવાની હૈ દીવાની’ અને ‘તમાશા’ જેવી ફિલ્મોમાં જોવા મળ્યા છે.