News Continuous Bureau | Mumbai
Ranbir kapoor: અભિનેતા રણબીર કપૂર આ દિવસોમાં તેની આગામી ફિલ્મ ‘એનિમલ’ને લઈને ચર્ચામાં છે. આ ફિલ્મ 1 ડિસેમ્બરે રિલીઝ થવાની છે પરંતુ ફિલ્મની રિલીઝ પહેલા જ રણબીર કપૂરને ED તરફથી સમન્સ મળ્યું છે. EDએ અભિનેતાને 6 ઓક્ટોબરે પૂછપરછ માટે બોલાવ્યો છે.
રણબીર કપૂર આવ્યો ED ની રડાર પર
‘મહાદેવ બુક’ ઓનલાઈન સટ્ટાબાજી એપ કેસમાં રણબીર કપૂરની મુશ્કેલીઓ વધી શકે છે. એન્ફોર્સમેન્ટ ડિરેક્ટોરેટ (ED) એ અભિનેતાને પૂછપરછ માટે સમન્સ પાઠવ્યા છે. કોલકાતા, ભોપાલ, મુંબઈ સહિત 39 શહેરોમાં ઓનલાઈન એપ મહાદેવ સાથે જોડાયેલા મની લોન્ડરિંગ નેટવર્ક વિરુદ્ધ ઈડીએ આ કાર્યવાહી કરી હતી. EDની તપાસમાં એવું પણ બહાર આવ્યું છે કે સટ્ટાબાજીના નાણાંનો ઉપયોગ શેરબજારમાં કરવામાં આવ્યો હતો. એટલું જ નહીં આ કેસ સાથે 14 ફિલ્મ સ્ટાર્સના નામ પણ જોડાયેલા હોવાનું જાણવા મળ્યું છે. આ ફિલ્મ સ્ટાર્સે સૌરભ ચંદ્રાકર અને રવિ ઉપ્પલના લગ્નની પાર્ટીમાં પરફોર્મ કર્યું હતું. અભિનેતા પર આરોપ છે કે તેણે પ્રમોટરના લગ્નમાં પરફોર્મ કરવા માટે એપના પ્રમોટર પાસેથી પૈસા લીધા હતા.
Actor Ranbir Kapoor summoned by Enforcement Directorate on 6th October, in connection with Mahadev betting app case
(file photo) pic.twitter.com/K8DZhME5RK
— ANI (@ANI) October 4, 2023
રણબીર કપૂર સિવાય બીજા સેલેબ્સ ના પણ નામ આવ્યા સામે
મીડિયા રિપોર્ટ મુજબ આ મામલામાં માત્ર રણબીર કપૂરનું જ નામ નથી આવી રહ્યું પરંતુ લિસ્ટમાં 15-20 વધુ સેલેબ્સ પણ છે જે ED ની રડાર પર છે. આ લિસ્ટમાં આતિફ અસલમ, રાહત ફતેહ અલી ખાન, અલી અસગર, વિશાલ દદલાની, ટાઈગર શ્રોફ, નેહા કક્કર, ભારતી સિંહ, એલી અવરામ, સની લિયોન, ભાગ્યશ્રી, પુલકિત સમ્રાટ, કીર્તિ ખરબંદા, નુસરત ભરૂચા અને કૃષ્ણા અભિષેકના નામ સામેલ છે.આ બધાની વચ્ચે રણબીર કપૂર માટે ED ના સમન્સે બી-ટાઉનમાં હલચલ મચાવી દીધી છે. ગેરકાયદે સટ્ટાબાજીના આ મામલામાં EDએ હવે મોટું પગલું ભર્યું છે અને સેલેબ્સને સમન્સ મોકલવાનું શરૂ કર્યું છે. જ્યાં સૌથી પહેલું નામ રણબીર કપૂરનું આવે છે. આ પૂછપરછમાં, ED અભિનેતાને લગ્નમાં હાજરી, પરફોર્મન્સ, પેમેન્ટ વગેરેથી લઈને અન્ય પ્રશ્નો પૂછી શકે છે.
આ સમાચાર પણ વાંચો : Ramayan: નીતીશ તિવારી ની ‘રામાયણ’ માં માતા સીતા ના રોલ માં સાઉથ ની આ અભિનેત્રી ની થઇ એન્ટ્રી, જાણો ક્યારથી શરૂ થશે શૂટિંગ
