News Continuous Bureau | Mumbai

Dhurandhar 2 Box office| રણવીર સિંહ સ્ટારર આદિત્ય ધર નિર્દેશિત ‘ધુરંધર 2’ એ બોક્સ ઓફિસ પર ઈતિહાસ રચી દીધો છે. એક મહિનાથી વધુ સમયથી સિનેમાઘરોમાં ધૂમ મચાવી રહેલી આ ફિલ્મે હવે યુનાઈટેડ કિંગડમ (યુકે) માં સૌથી વધુ કમાણી કરનારી ભારતીય ફિલ્મ બનીને શાહરૂખ ખાનની ‘પઠાન’ ને પણ પાછળ છોડી દીધી છે. ટ્રેડ એનાલિસ્ટના મતે, આ ફિલ્મે યુકેમાં અત્યાર સુધીમાં ૪૩૮૮ મિલિયન પાઉન્ડની કમાણી કરી છે, જ્યારે ‘પઠાન’ નો આંકડો ૪૩૮૦ મિલિયન પાઉન્ડ હતો.

ખાન સુપરસ્ટારના ગઢમાં રણવીરનું વર્ચસ્વ

છેલ્લા ૨૦ વર્ષોથી યુકેના માર્કેટ પર ખાન સુપરસ્ટારનું વર્ચસ્વ માનવામાં આવતું હતું, પરંતુ રણવીર સિંહે પોતાની ફિલ્મો દ્વારા આ ગઢમાં મોટું ગાબડું પાડ્યું છે. ઉત્તર અમેરિકા હોય, ઓસ્ટ્રેલિયા હોય કે ગલ્ફ દેશો, દરેક જગ્યાએ રણવીર સિંહનો દબદબો વધી રહ્યો છે. જર્મની જેવા માર્કેટ્સમાં પણ ફિલ્મને સારો પ્રતિસાદ મળ્યો છે. હિન્દી સિનેમામાં ૧૦૦૦ કરોડના ક્લબની સ્થાપના કરનાર પ્રથમ અભિનેતા બન્યા બાદ, રણવીરે હવે ૨ ડઝનથી વધુ રેકોર્ડ તોડીને પોતાની સ્થિતિ મજબૂત કરી છે.

૩૦૦૦ કરોડનો આંકડો પાર

‘ધુરંધર’ ફ્રેન્ચાઈઝીએ બોક્સ ઓફિસ પર અનેક રેકોર્ડ તોડ્યા છે. ‘ધુરંધર’ અને ‘ધુરંધર: ધ રિવન્જ’ નો કુલ વર્લ્ડવાઈડ કલેક્શન ૩૦૦૦ કરોડને પાર કરી ગયું છે. આ સિદ્ધિ મેળવનારી આ પ્રથમ ભારતીય ફિલ્મ ફ્રેન્ચાઈઝી બની છે. રણવીર સિંહના ‘હમઝા’ અને ‘જસકીરત’ ના પાત્રોએ દર્શકોને એટલા પ્રભાવિત કર્યા છે કે ફિલ્મ આજે પણ થિયેટરોમાં હાઉસફુલ ચાલી રહી છે.

OTT અને ડિજિટલ ડીલ

આ સફળતાની સાથે જ ‘ધુરંધર 2’ ના OTT રાઈટ્સ પણ ચર્ચામાં છે. JioHotstar એ આ ફિલ્મના ડિજિટલ રાઈટ્સ અંદાજે ૧૫૦ કરોડમાં ખરીદ્યા છે, જે હિન્દી ફિલ્મ ઈતિહાસની સૌથી મોટી ડિજિટલ ડીલ્સમાંની એક છે. એવી અટકળો છે કે આ ફિલ્મ મે મહિનાના અંતમાં અથવા જૂનની શરૂઆતમાં OTT પર સ્ટ્રીમિંગ શરૂ કરી શકે છે. થિયેટર બાદ ડિજિટલ પ્લેટફોર્મ પર પણ આ ફિલ્મ મોટી સફળતા મેળવે તેવી પૂરેપૂરી શક્યતા છે.

👉 આ સમાચાર વાચો:
Kyunki Saas Bhi Kabhi Bahu Thi 2| ક્યોંકિ સાસ ભી કભી બહુ થી 2’ માં થશે ઓરિજિનલ વિલનની ધમાકેદાર વાપસી ટીઆરપી વધારવા એકતા કપૂરનો માસ્ટરસ્ટ્રોક!