News Continuous Bureau | Mumbai
Yo Yo Honey Singh Delhi Concert Clash: યો યો હની સિંહના દિલ્હી કોન્સર્ટની શરૂઆત એક મ્યુઝિકલ સાંજ તરીકે થઈ હતી, પરંતુ કાર્યક્રમ દરમિયાન ફેન્સ અને સ્પોન્સર ટીમના સભ્યો વચ્ચે થયેલી બોલાચાલીએ હિંસક વળાંક લીધો હતો. આ ઘટનાને કારણે વેન્યુ પર અફરાતફરી મચી ગઈ હતી, તેમ છતાં હની સિંહે પોતાનું પરફોર્મન્સ અટકાવ્યું નહોતું. દિલ્હીના ઇન્દિરા ગાંધી ઇન્ડોર સ્ટેડિયમમાં હની સિંહે તેના ‘માય ચેપ્ટર – ઈન્ડિયા ટૂર’ની શરૂઆત કરી હતી. આ કોન્સર્ટમાં તેણે ‘બ્લુ આઈઝ’, ‘બ્રાઉન રંગ’ અને ‘લુંગી ડાન્સ’ જેવા હિટ ગીતોથી દર્શકોને ડોલાવ્યા હતા.
આ સમાચાર પણ વાંચો : Border 2 OTT Release: ‘બોર્ડર 2 નું ડિજિટલ આગમન! થિયેટરોમાં ધૂમ મચાવ્યા બાદ હવે OTT પર રિલીઝ થશે ફિલ્મ; જાણો વિગતે
ફેન્સ અને સ્પોન્સરો વચ્ચે થઈ હાથાપાઈ
કોન્સર્ટ દરમિયાન કેટલાક પ્રેક્ષકો અને સ્પોન્સર ટીમના સભ્યો વચ્ચે કોઈ કારણોસર તીખી દલીલો થઈ હતી, જે જોતજોતામાં હાથાપાઈમાં ફેરવાઈ ગઈ હતી. સોશિયલ મીડિયા પર વાયરલ થયેલા વીડિયોમાં જોઈ શકાય છે કે ભીડની વચ્ચે લોકો એકબીજાને મારી રહ્યા હતા. હંગામો શરૂ થતા જ સુરક્ષાકર્મીઓ અને દિલ્હી પોલીસે દરમિયાનગીરી કરી હતી અને મામલો વધુ બિચકે તે પહેલા સ્થિતિને નિયંત્રણમાં લીધી હતી.
સ્ટેડિયમમાં ચાલી રહેલી આ ઝપાઝપી છતાં હની સિંહ સ્ટેજ પર સતત ગીતો ગાતો રહ્યો હતો. એવું લાગી રહ્યું હતું કે જાણે તેને નીચે ચાલી રહેલા હંગામાની જાણ જ ન હોય. આ કાર્યક્રમ બાદ હની સિંહ તેની આગામી ટૂર માટે રવાના થશે. દિલ્હીના આ શો બાદ યો યો હની સિંહ હવે ગુજરાતના આંગણે આવશે. તેના ભારત પ્રવાસના શિડ્યુલ મુજબ 21 માર્ચ: અમદાવાદ,28 માર્ચ: મુંબઈ,4 એપ્રિલ: પુણે અને 11 એપ્રિલ: કોટા ત્યારબાદ ઇન્દોર, લખનૌ, કોલકાતા થઈને 16 મેના રોજ બેંગલુરુમાં આ ટૂરનો અંત આવશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
