News Continuous Bureau | Mumbai
બોલિવૂડ એક્ટ્રેસ ઝરીન ખાને વર્ષ 2010માં સલમાન ખાન સાથે ફિલ્મ ‘વીર’થી ડેબ્યૂ કર્યું હતું. અભિનેત્રી સામાન્ય રીતે તેના ઇન્સ્ટાગ્રામ પર ખૂબ સક્રિય હોય છે અને તે તેના ફેન્સ સાથે જોડેયેલા રહેવા માટે તે અવરનવર તેના ફોટો અને વિડીયો પોસ્ટ કરતી રહે છે. ઝરીને ‘વજહ તુમ હો’, ‘હાઉસફુલ 2’, ‘રેડી’, ‘વીરપ્પન’, ‘અક્સર 2’ અને ‘1921’ જેવી અન્ય ઘણી ફિલ્મોમાં કામ કર્યું છે. તેની છેલ્લી ફિલ્મ ‘હમ ભી અકેલે તુમ ભી અકેલે થી’ હતી. હાલમાં, અભિનેત્રીને ડેન્ગ્યુ તાવના કારણે હોસ્પિટલમાં દાખલ કરવામાં આવી છે. અભિનેત્રીએ ખુદ તેના સોશિયલ મીડિયા એકાઉન્ટ દ્વારા આ માહિતી આપી છે.
આ સમાચાર પણ વાંચો : Ukranian Singer : પૂણેમાં યુક્રેનિયન ગાયિકા ઉમા શાંતિ વિરુદ્ધ નોંધાયો કેસ, ત્રિરંગા સાથે જોડાયેલો છે મામલો
ઝરીન ખાન ને થયો ડેન્ગ્યુ
ડેન્ગ્યુના કેસ ઝડપથી વધી રહ્યા છે, જેના કારણે લોકોમાં ચિંતાનું વાતાવરણ છે. હવે ઝરીન ખાનને પણ ડેન્ગ્યુના કારણે હોસ્પિટલમાં દાખલ કરવામાં આવી છે. અભિનેત્રીને ખૂબ તાવ છે, શરીરમાં તીવ્ર દુખાવો છે અને તે ધીમે ધીમે સ્વસ્થ થઈ રહી છે. અભિનેત્રીએ તેના ઇન્સ્ટાગ્રામ હેન્ડલ પર તેના ચાહકો સાથે તેના સ્વાસ્થ્ય વિશેના અપડેટ્સ શેર કર્યા. તેણીએ શેર કરેલા ફોટામાં, અભિનેત્રી હોસ્પિટલમાં IV પ્રવાહી લેતી જોવા મળે છે. તેણે પોતાનો ચહેરો બતાવ્યો ન હતો અને તેની ઇન્સ્ટાગ્રામ સ્ટોરીને કેપ્શન આપ્યું, “#lifeupdate”.
ઝરીન ખાન નું વર્ક ફ્રન્ટ
વર્ષ 2021 માં, ‘હમ ભી અકેલે તુમ ભી અકેલે’ સિવાય, તેણે ફિલ્મ ‘ચાણક્ય’ સાથે તેલુગુ ફિલ્મોમાં પણ સાહસ કર્યું. અભિનેત્રી તેની ફિટનેસ અને લાઈફસ્ટાઈલ વીડિયો માટે યુટ્યુબ પર પણ ઘણી લોકપ્રિય છે.
